噚晚睇波，睇咗利物浦vs曼聯同埋阿仙奴vs雷丁，睇咗2場波嘅感覺係-->頹!!曼聯果場就係補時先負碌咁嬴...仲要係O'Shea入波...阿仙奴果場就唔知點，阿仙奴果度大把人停賽或者出唔到...include亨利...仲有托尼同伊保爾...不過因為同人傾計，所以有時都冇望到...

講番今日真係悶到嘔呀...，除咗響朝早落去食早餐果陣出過去之外，成日都響屋企...

本來諗住睇NBA嘅，不過見到係馬刺vs火箭就有d唔想睇了...因為我覺得應該成場波都將會好悶...

之後就做留未交嘅news cut.....做到唔想做...

下晝就用電腦...聽歌聽咗好耐...

今朝8點就去咗打波，朱約咗鍾高...我今日都特登遲d出門口，因為果班友次次都遲嘅...

8點幾d人先至黎齊...跟住就鬥波，打咗好多場...第一場果陣我守到hugo想入一球都難...如果唔係鍾浩然成日搞唔掂朱嘅話，我一定可以俾多幾錢肉緊去搞掂hugo.....><"""""

打到差唔多10點，成班人去咗大元間7-11 hea...朱好狗呀...攞自己個水樽去裝自由斟...真係好鬼XD呀~!

之後又番番去打，打下又吹水，都唔知做咩....打到12點幾先返屋企...打咗成4個幾鐘...好攰...

番到屋企，沖個靚涼先...之後做埋d中交...再睇下本chem書同埋bio書...

睇睇下本bio書睇到想瞓覺...><"""...

之後打番場nba live先.....