今朝約咗高天同朱去打波，果次星期六得我同天，超xd"""，今次有四個人又有得鬥波啦...我+朱vs高+天，輸咗...之後我+高vs朱+天，嬴咗，次次我同高合作都會羸嘅...之後我+天vs高+朱，又嬴咗...天早走，之後我地又玩out同21分...

10點幾番歸，好攰...

溫bio，終於溫哂啦!!!太好了，之後做埋paper2...

跟住就hea下hea下咁...

跟住打pes6，伊度奧d狀態番黎lu，但係朗甸又入球荒...淨係識assists...美斯都唔錯...

之後睇咗陣電視...落街食飯...

番黎就打diary...

噚晚睇波果陣有好多隻不明物體，佢地唔搞我都冇乜問題，但係佢地偏偏要煩鬼住我，咁我就趁中場果陣ko哂佢地...嘻嘻!!

今朝好遲先起身，好攰呀!!溫陣bio先，又溫唔入，睇下電視好過...

之後返教會，林sir派咗果本主日學課本畀我地...

之後陪chris上去開lock，好似做thives咁...之後再同佢行出大埔中心，去睇下winning eleven10 pc幾時出，去昌運睇下先，見到有pro evolution soccer6，即係we10嘅歐洲版，$305喔...拿拿臨買嘢返屋企食...

返到屋企，食嘢先，之前再攞$$去買game...

行過大埔超級城，見到藍奕邦響度唱歌喎，行埋去睇下先，我響2樓望落去，見到孫小寶響到睇...不過佢見唔到我...聽咗盲年同埋豬先生2首果就去買game...先去大埔廣場上面果間嘢格下價先，嘩!!$320!!!都係去返昌運...買完就返屋企...

再溫bio，ch.1同2已經100%完成，ch.3就60%...

之後就install咗個game先，跟住就梗係玩啦!!!

d制完全唔同fifa果d，搞到用咗唔少時間適應，重要睇住本guidebook響度打，超無奈!!打咗幾場就要升level，依家打3粒星，幾日後應該4粒星...