放假第一日，今日係年三十...

今朝去富善體育館打波，因為book咗場，出去果陣見呀爸番工咁我就叫佢車我去富善啦，咁咪唔駛自已行lor...今日打到隻手傷哂呀，好多血痕...><""

打完之後去間m記買d野番屋企食...

番到屋企食完野，之後沖埋個涼就要出去了...

響富善上73X，搭到GJ3078，好彩搭唔到果d超富!!條唔算話太快啦，keep住7x咁行公路啦...但係佢車頭果d聲嘈到hihi呀...

響眾安街落車，之後入咗去千色百貨行咗一個幾鐘，又買到衫啦...

之後去食新開果間freshness burger，平均都要成4x一個餐，不過都算係一分錢一分貨，d burger係即叫即做，d薯格又好好食，好過果間爛鬼KFC!!跟餐有得配粟米忌廉湯，真係幾好飲喎...下次再經過荃灣再幫趁下先...

之後再去瓜子大王果度買下瓜子同埋其他好野食，有蝦春卷，非常好食><""

再行過去沙咀道搭43過去長青，坐到我差唔多瞓著...

之後上呀嫲屋企坐，由4點幾開始等開飯...><""，悶到想死...

食完飯再坐呀爸車番屋企，番到屋企先至8點半...

 之後響度食湯圓><...

番埋今日學就放新年假啦...唔錯唔錯呀!

今日又係響上面早會，上到去就坐form5最後一個seating plan嘅位啦，我個位都算幾好，又係坐最尾果排啦，右邊係劉宏達，左面係陳曉柏，前面係dlam同埋某剛果生物...傾計上真係唔錯，仲有時間可以唱下歌咁啦...><"...唔係講笑，前面非洲生物真係好煩...我同劉宏達對咗佢一個小息已經想打7佢啦!

phy，又冇咩聽過佢講野tim，不過佢今堂做果d死人expts真係好悶呀,,,,

chem，教到detergents，真係唔知幾時先至會教完書...

recess...之前講咗啦...

cit，第1堂用咗黎test，都唔算難，不過full我實冇份啦，9成或者都得嘅...之後果堂就係度睇片，講google...真係好屈機呀!!

eng，哂堂費了...

lunch去咗豆漿大王食，食到好飽...><""

下晝番到去係amaths，以為佢叫我地帶pastpaper番去係講section b啦，點知又講番section a，真係好無聊呀!!!

放學番屋企...聽朝要去打波，好耐冇打啦，個幾星期啦...><""