今日11點半到起左身,之後係屋企HeA左陣~

就落左去同呀南,天樂去美心食野啦~

之後呀銘,敏豪同呀潘都黎左~

食完,係巴站等埋傅屎就出沙田比賽啦~

去到個個沙田運動場,一個人都冇0喎,我地仲諗住我地會遲到既!!!!!!!!!!!!!!!

2點終於開波啦,今日踢區賽4強呀,對大埔呀!!!!!!!!!

我地首先由老林入左球,咁我地之後就開始比人強攻啦~好彩我地都守得住上半場呀~

下半場繼續都係比大埔強攻呀,但係我地好彩有幸運之神既幫助呀~

接近未段既時候,先至感到壓力既存在呀,無端端比人係3分鍾內連入2球反勝左,個時我諗都輸硬架啦.因為已經冇咩時間啦~但係去到差唔多得番一分鍾既時候,祈祈做左個救世主呀,幫我地追番2比2喎^^

咁硬係又要射12碼啦,見個個都一路射,一路入,真係好緊張呀過時~

跟住大埔有一個射唔入呀,我地就極知開心啦,咁發仔雖然都唔入,不過唔緊要架~

之後大埔又唔入喎,咁呀南就射入左啦,奇蹟地勝出~入決賽啦~

入左之後,我地成班跑晒出去呀,個時真係好開心呀~去旺角大球場啦,加油呀.....葵青~

之後睇多陣波,就同佢地去711買野食啦~之後我地飛的過沙田市中心,再搭49x番長發啦~

返到去,擺低過袋同埋玩左陣電腦,就過左去傅屎屋企啦~

玩到9點半左右,就同佢地落去食野啦~

食完野,行左陣,就返歸啦~

p.s.要擺冠軍呀.......葵青!!!!!! 

琴日睇睇下波就訓著左啦,但係都唔係好夠訓呀~

一起身,硬係即刻睇下個賽果啦,巴塞嬴左2比1呀~我好鬼鍾意亨利其實,但係都好鍾意細哨喎,阿仙奴輸左覺得佢地好慘咁,但係如果巴塞輸左我都覺得佢地好慘架=.=有d自相矛盾~

今日成8點先起身,個時都預左遲到啦~咁就順便玩多陣電腦咁啦~

8點40分到返到學校啦,miss郭冇返,咁我就順便調埋位去傾計,宗教堂,都係繼續傾計啦~

家政堂整野食,都ok好食既!!!!!!!!!!!!!!!!!

最後過堂,要去禮堂考BcA,都唔係好難姐~不過要成4點15到先放呀~

之後換3練波啦~

練3打3過時都幾悶啦........郭Sir話要練全能足球呀,冇計啦~

7點到走老啦,去左買野飲,跟住就返歸啦~

返到屋企,睇返琴日過場波..........都係咁好睇呀~

之後都係玩下電腦咁啦,好眼訓呀,88

今日出門口過時勁大風,開門都有D困難~

之後落樓下見到碧咸,佢話一陣有機8號風球,可能遲d有得走喎~

行番學校過時,好似同d風鬥力咁,最後我嬴左^^

班主任堂同文曦傾左陣計咁啦~

之後上2堂中文,講格言講左成2堂=.=

小息照樣係落去食野啦~

2堂地理都係冇變.........悶爆~

2小,又係過d野啦~

2堂英文照舊改作文,調左位傾下計咁啦~

Lunch,落左去玩~

邊個猜輸左就要出去一路淋雨同埋一路做掌上壓or跑圈~超正~

羅白超型,做做下係度露佩.....哈哈~

仲有好多人都猜輸左其實~我條富都濕晒~0~

跟住上番去又係同文曦傾左陣咁啦~

之後上埋過3堂爆炸垃圾堂..............尤其係科學........真係超唔想袁偉培教呀,成日都好似針對我咁~

放學,同羊羊,呀白個d係小食部食下野咁啦~

4點幾到返左歸啦~

一陣睇波,巴塞大戰阿仙奴一觸即發呀~

p.s.你都講得幾岩既^^