今日約左甘小姐睇戲 所以我好早就起身

她是我唯一一個由中學到而家都好好朋友的人

好 講番今日做左d咩先 我大約十二點就到左奧海城

立即排隊買飛 到我時 原來得番頭果行有位

我同佢講 係頭果行睇會好辛苦的 所以我地轉左去食野 其間講左好多k.i.t .的事

佢是一個很特別的女仔 對住佢 唔知點解我會冇同其他朋友果種顧慮

我地可以玩到好癲都得 嗯嗯 又離題tim 好 食完野後 佢問我趕唔趕時間

我同佢講我約得你今日就俾哂你 佢話如果係咁的話 不如去書展行下

今日由佢話事 結果我地兩個由奧運站去左灣仔站 我地去到會展後 立即去買飛

點知有個人行埋嚟同我地講佢多左兩張飛 俾埋我地 甘小姐立即話俾番錢佢

但係佢轉頭已不見了 一入到場 甘小姐諗都唔諗就俾左個手袋我 自己立即鑽入書叢裡

以我同佢的關係 我唔太介意同佢拎袋 行到咁上下 我發現了我的最愛書籍--------中國歷史

我一見到這種書就會忍唔住要買 結果我用左差唔多二百蚊  又代支了一百蚊的書錢

甘小姐話同佢一齊番屋企 佢俾番我 去到佢屋企 見到佢家姐 好耐冇見過佢家姐了

其實就算係甘小姐我地都係一兩個月見一次 我地知道大家都有野忙 而且好朋友不用日日見

佢俾番錢我後 其實仲諗住去睇戲 但係要六點先有得睇 結果我冇同佢去睇 佢自己都冇去睇

番到屋企 終於支持唔住 在床上睡著了