又發夢今次見到你同やヂ一齊而我周歡一齊係大棠間7仔門口見到我同歡去緊千色而你就同我地方向相反...咁代表咩意思...代表我宇放得低你定還是我地已經各行各路?

9:00am起身 去睇醫生去到診所門口 見到阿哥個fd係到賣旗 咁就幫佢買左支旗啦 入到去 等左超耐先到... 佢話我應該係敏感叫我唔好食海鮮喎 唉...我無自由我失自由...我係超鍾意食ga 你叫我唔好食>3< 之後俾左一支眼藥水 四支藥膏 同埋一包抗敏感藥 但係...點解同阿哥包傷風藥一模一樣ga? 算...照食啦 之後佢話我係扁平足叫我去屯門醫院睇下喎...同埋下個禮拜要返返去 check多次我隻手有無好喎...

之後就去食面 食完同阿媽行街市 好耐無去啦 真係超乖丫我...o係街市 d老闆同我地講good afernoon喎 通常咁啗有兩個可能性

1)以 為我係外國人(<1%)   ;  2)以為我阿媽係工人...(99%)

之後去左個間新開專賣外國食物ga野到行下啦 個到d人全部都係我最鍾意食ga野黎ga(除左d豬)最後買左牛排同煙三文魚...走個時有對老父婦入黎...

女:邊d係神戶牛柳?

工作人員:呢d就係啦...

男:如果我地買 會唔會幫我地煮埋ga

工作人員:唔會ga唔好意思

男:無我問下姐...因為我地屋企咩都無ga

真係超想問佢地 你幾時試過買野人地幫你煮埋ga? 仲要話俾人知 自己屋企咩都無所以煮唔到= ='

之後阿媽行下街我就搭車返屋企先 返到去沖個涼再on陣msn溫陣書就瞓覺lu...

5:40媽叫醒我 即係仆到落去搭車返學... 返到去得五個人...少唔少人d丫?好彩有三個遲到 嚇死我地仲以為得咁少人tim...

放學....阿怡阿媽黎左接佢...我同"夏也他一齊走 點知鍾凱林無啦啦o係我地身後面跳左出黎 嚇死= ='之後一齊搭車返屋企...一路上我地都傾得好開心 但差唔多到天耀個 夏也他狂係到串鍾凱林喎 鍾凱林又係到串返佢 我真係超無奈囉 都唔知點做好 終於到天耀啦..我同夏也他一齊落車 佢返天盛我返天耀...

返到屋企即沖涼 之後就食飯....今晚有我最鍾意食ga海鮮丫...雖然醫生叫我唔好食,但係理得佢丫 白文以食為天丫麻...

食完之後就睇電視打日記 點知差唔多打好哂個時 大哥撞到我隻mouse...搞到我要重頭打過...過份...

p.s 歡 你都要去睇下醫生啦 因為扁平足好大件ga 會變長短腳同埋會道致盤骨高低ga...仲有呀考試努力呀^^!!!