尋日晚3點幾先訓...好耐未試過啦!! 同埋尋晚玩得太攰...今朝起身ge時候...痛死..成身好似散
晒咁...郁一郁就痛!! 不過我10點幾就起左身...但係阿媽無啦啦同我講話去荃灣飲茶..無奈
佢講個陣我仲訓緊...唔想去....我咪同佢地講話遲d去囉.....之後起左身就用電腦...
佢地打黎我就話唔去....而家咁樣點出街牙...食左d野又玩下琴~上下網~
尋日去到中心大概係4點幾~同東海佢地溫書溫到7點左右就上左去天台set野~
總共有十幾個人燒野食,,,本來都唔識d人架~~燒燒下野食佢地玩水~周圍淋人~
之後我又玩埋一份~就同佢地熟左~因為個身濕晒~好多男仔都除左杉同鞋~~勁涼爽~
跟住又打左好耐排球~識左五個女仔,,,,都係讀陳南昌(即係中心後面嗰間)~因為一齊打就傾下
佢地學校d野,,,原來佢地學校冇左女排~真係慘....之後佢地問我係咪校隊~好開心XD
尋日我地打左好多次排球落下面,,好彩冇中人喳~唔係實死人~有一次仲有架警車係下面~
咁岩我地有人打左個波落去,,,,超搞野~大概11點幾~我地就話切蛋糕!!貞子(中心社工)
就話要唱生日歌~真係頂唔順~又唱中,英,普通話,日文...唱得勁難聽牙....成班阻止佢唱~
之後同峰哥佢地打波~打失就要做兩下掌上壓!!~打左一陣d女仔就走啦~
點知東海, 尿兜佢地又玩野~諗住係地鐵站截住佢地~勁抵死~最白痴係我地六個男仔
個個都冇著鞋,, 有d仲要冇著杉,,,係條街度跑~勁好笑~好彩個陣已經係12點到~
總之好好玩~送左佢地走之後我地返到中心又打波~~同埋燒埋d野食,,,大概1點我地就開始執野
1點3我地就走啦~尋日好開心牙!! 不過走個陣太夜...冇署車...= =搞到我同峰哥要搭的士...XD
尋日就係咁啦~~
