由於今日冇人煮飯食比我食,唯有我自己煮飯食囉.我整左壽司食，材料有海「哲」,燒海苔及日式黃瓜,就係得咁多材料啦.整出來都幾好味嫁,我整左好多件壽司,裝滿哂成個碟.實際上有幾多件我就唔知啦,因為我都冇計過.係也!總之食得飽,又好味就得嫁啦.唔理啦.

仲有呀,我覺得今日發生左一件好奇怪嘅事呀,我媽咪居然唔煮飯喎,走去買飯盒食喎.以我嘅記憶,如果冇記錯的話,咁來以來都係第一次夜晚唔煮飯食飯盒炸.佢從來都冇試過係咁嘅,唔知點解今日會咁做囉.真係一件奇怪的事囉.十年都唔見一次係咁.

今餐嘅晚餐食左鰻魚飯同叉雞飯.某間嘅鰻魚飯同叉雞飯都唔係好好食.首先d鰻魚冇咩汁，又冇其他伴菜，d飯雖然係珍珠米，但係又冇加到醋係飯果到喎,簡直係冇咩味.相反d叉雞飯,又太過鹹啦,d飯又硬又唔好食,d叉燒乾到死,冇咩叉燒味,d雞仲可接受.最後有一個甜品食,就係涼粉啦.雖然兩個飯盒都唔好食,不過正所謂好嘅又一餐,唔好嘅又一餐.但係一諗到某d好鬼窮嘅國家or地方,三餐冇得溫飽,餓着肚皮去工作.你睇下幾慘呀.相比下自己真係個浪費食物嘅人,有得食已經好好嫁啦比果d窮嘅國家or地方嘅人.你都唔去珍惜,最後冇得食果陣,你就知味道.

PS.珍惜身邊一切嘅野,今日你所得嘅野唔係必然.