蔡老師，各位同學，午安。我今日要講既題目係「母親的手」。

唔知你地母親既手係點樣?係好有保養?主婦手?但係我肯定既係，你地母親既手唔會有一條條深淺不一的界痕。

媽媽既手指甲綑左一條條既黑邊，右手無名指上的戒指KU住佢因長期要戴手套既關係而變得肥腫，手指都變成紫紅色。手背上面有一條條深淺不一的界痕。我印象好深既一次係條界到個手指公到，有約1cm咁深，包左好耐膠布。但呢對手仍然努力工作，上落貨物、批野刨野，為我地一家煮飯、洗衫、拖地，每日每刻都忙得不可開交。

工作時的媽媽圍上一條黑色既圍裙同黑色既水靴，衫袖捲起。佢總是面帶微笑，每次見到客人都會親切咁詢問:「靚女，要D咩菜呀?」又同d客人閒話家常一下。冇咩客既時候就執下d菜，呢到批下個到刨下，唔經唔覺又過一個鍾。媽媽既手腳好快，做事乾淨俐落，不拖泥帶水，數口亦都好快，令客人唔駛等咁耐，但爸爸就唔同，因為佢識既野唔及媽媽多，所以做野比較慢，計數唔係好快，又聽媽媽話和，所以係我心目中媽媽先至係一家之主。

媽媽一返到屋企就會入廚房準備晚餐，豬肉、蔬菜、鮮魚經佢一雙粗糙的手烹調過後更顯得美味。媽媽做事很有條理，呢頭一煮完送，個頭既湯又熱好，所以我地半個鍾之內一定食到飯。食完飯之後佢又忙住洗碗，任由水觸摸佢粗糙的手，再由佢粗糙的手擦亮每一個碗碟。

我見到我媽媽既手變做咁樣，我可做既只係夜晚幫佢揉下油、按摩下隻手，減低個酸痛。你地呢?你地有冇留意過你母親的手呢?有留意既有d咩感覺?冇留意既又點解唔去留意下?父母既手都辛苦養育我地，咁我地呢對嬌貴既雙手係咪都應該為佢地做返d野呢?

我今日既短講完畢，多謝。