今日冇返學補課..
唉~暑假令人有休息, 都令人變得懶..
冇補課就懶懶閒...
呀媽都話得岩, 但就總係dic唔起心肝去加倍努力..
好多野都想做, 但又唔積極..
成日都賴, 賴冇機會..但我係咪從來都冇爭取過..
我得個想字..

我想盡全力去做一件事

我想做一件會俾任何人都稱讚既事

我想做事體面同圓滑

我想控制好神俾我既每分每秒

我想自己做事快手

我想試下好努力去做某一個運動

我想出好多汗

我想有簡簡單單既生活

我想每日都過得充實

我想有好多會信任我既朋友

我想有會多D搵我既朋友

好多好多個"想"...
不過.......可惜.........
我未有動力..

我記得, 我曾經努力過
響我5年級果時....既報分試....
我成日都想溫書..時時都想去溫習...
個結果係好好架..考第4...
果次之後, 我知道....我其實係得架...
我都可以考得好好...
只係在乎我有冇果個心...

我哩世人, 淨係試過1次努力過..
我想.................有返果個感覺