2006 年 11 月 28 日  星期二   　　　　　　　　　　　

今日做得最錯既1件事就係嫲嫲話要返舊屋,,我竟然就咁打開左個大門俾佢走。

當佢走左冇幾耐...我係窗口等左好耐先見到佢個身影...

但係我個心1直好唔安樂...然後我亦都做左1件我覺得做得最岩既事,,

我拎起銀包,,手提同鎖匙諗都唔諗就衝左出去...

好在佢行動緩慢,,我跑左冇幾耐就見到佢既身影啦。

我拖住佢慢慢行...覺得自己頭先打開門俾佢自己1個走好內疚...

1個仲著住校服既女仔拖住1個頭髮花白又佗背既老婆婆...

雖然引黎唔少目光望住我,,但我唔在意...我拖住佢,,覺得好安樂。

跟住同佢搭的士...返馬屎埔東村,,唔係講笑,,我以前真係住果度。

落左車,,同佢行路覺得時間過得好慢好慢...覺得前面條路好長好長...

拖住佢隻皮包骨既手...1路係咁行...有種唔知點形容既感覺。

唔知係唔係因為我大個左...以前覺得條村d路好大好闊,,

但係而家竟然覺得條路好窄好細...時間喱樣野,,真係好奇妙!

今日我竟然拖住1個以前好討厭我既嫲嫲...你話幾諷刺!?

陪佢返屋企...以前我都住過既屋企...覺得好唔同...

係因為我地都搬走晒既關係?睇見嫲嫲間房成個垃圾堆填區咁,,

就覺得好心痛...之前佢就係日復1日咁住係度...周圍冇人陪佢。

仲要成日訓係張垃圾床上面...幸而而家帶左佢返屋企。

嘩...帶佢返去真係要好大勇氣...見到好多隻狗!>0<

條路咁窄,,隻狗同我有勁親密既接觸,,我地就相隔1個鐵絲網!

仲要唔只1隻!!有好多隻狗狗向我吠...簡直係想拎左我條命!

今日同佢搭左2次的士,,同佢行左2段路,,

覺得1切旁人既眼光都唔再重要,,重要既係我手中1直拖住既嫲嫲。

好彩我有跟出去,,如果唔係佢1定唔識返黎,,又住返喺果間咁既爛屋入面。

真係感謝主。