Day 92
又瞓唔到覺
我係thread bookmark咗好多emo�H嘢
其中有一個thread係咁
「我見過你，很愛很愛我的樣子，真的有。
那時候的你，眼神、語氣、每一句話，
都是我奮不顧身的理由。
只是現在，那些愛，
只剩回憶裡才找得到了，
只留在我們舊對話的紀錄裡，
再也不在你現在的眼神裡出現。
我好想你那個，曾經很愛我的樣子，
可我知道，它回不來了。」
我睇到第一句我個腦即刻有一個畫面
個日我放假你朝早要起身返工
你換好晒衫要出門口個陣喺床邊同我講byebye
仲記得你係著深藍色衫無戴眼鏡
個下真係好似小說咁寫
啲陽光照射係你塊面你望住我�H眼神真係好charm好令人心動
我瞓到矇矇朧朧望到你呢個樣呆咗好心動唔識反應
你仲話我個朝嗰個樣係好愛好愛你�H樣
我成日都會諗返起嗰一個moment
唔知你又記唔記得你講過一句
「當我好掛住你個陣睇返以前�H對話紀錄就乜都解決晒」
我而家都會
我star咗22個message
都係我哋最後個段時間你講�H嘢
當我不斷幻想�H時候就會睇返
起初每次都好唔甘心好嬲你
到後來覺得自己真係帶咗好大傷害俾你
覺得好抱歉
到之後已經無咁大情緒
亦都因為睇過好多次有啲已經識背
「我會覺得 你而家會諗既嘢係 我同一年前�H態度同講�H嘢都完全相反
咁我都會想講 我一年前都唔會估到你係會喺我工作到最辛苦既時刻喺工作上面再逼我」
「Even我出去食個飯都覺得好攰好攰 但因為你想 我唯有照陪」（呢句真係最最最深刻，如雷轟頂個種深刻同震驚，亦都因為呢句我先可以狠心逼自己唔再糾纏）
「如果唔係工作都干涉埋 我根本就從來冇諗過已經演變成 我連同朋友既時間都冇 又或者我唔洗做嘢既時間都係只能揀去陪你 就算我幾攰都好」
「點解我要咁痴線 真係俾哂」
「我唔想被迫做啲唔想做既事 但呢啲係你想做既事 我覺得好難受」
「點解你要不斷試圖放guilty 俾我 我只不過係想自己一個 我真係好辛苦 我食唔到嘢，瞓唔到覺 點解仲要咁樣放落嚟？」......
唔係要blame你鞭你屍
而家睇返已經無嬲無唔甘心無怨恨
仲有啲平靜
就只有一個諗法就係：
哦∼呢啲就係我哋分開�H原因 亦都係我哋唔應該再糾纏�H原因 無好結果架
睇到呢度可能你會覺得
咁我寫blog打咁多嘢做乜嘢
我都唔知
反正不是挽回定點
我都唔知咁樣到底係幫我自己放低
定只會令我更加放唔低
你一定覺得我好煩
但我喺我自己地方鳩up
你又管唔到
唔鍾意咪唔好睇
問我想唔想你睇到
我都係唔知
想又唔想
覺得俾你知道晒我諗乜發生緊啲乜好無骨氣
但心底裡又暗暗咁期盼緊一啲嘢
哈 我真係好無骨氣
連自己都睇唔起自己
但凡有你一半狠心冷靜理智
呢幾日呢幾篇blog都唔會出現
唔知我今次如果又轉電話號碼
會唔會又係5115呢
世事應該唔會有咁多巧合�H
祝 安好
|
