Day 133
前排睇咗一個youtuber結婚�Hvlog
佢講咗一句我聽完又喊到收唔到聲
佢話佢10年前去咗婚禮個新人完全就係佢一直以嚟夢想�H關係
但10年前�H佢覺得自己配唔上呢種咁美好�H關係
估唔到10年後佢遇到而家老公
先發現原來佢都配得上
我聽完之後覺得自己而家就好似10年前�H佢
覺得自己配唔上
你知我由細到大有幾戀愛腦
細細個睇童話故事相信將來會有屬於我�H王子
到中學好迷台劇覺得總有一日我會係劇集入面�H女主角
最終都係會同男主角大團圓結局
但而家如果問我相唔相信愛情
我會話五十五十
我身邊�H朋友搵到另一半的話
我會好相信愛情會好祝福佢哋
但我自己的話
我會覺得個天唔會對我咁好
我咁差�H人唔會有個種白頭偕老成熟美好�H愛情
因為我唔配
我咁鍾意發脾氣
我�H愛咁專制咁霸道咁令人窒息
我點會配
我喊到收唔到聲係因為我覺得
由一個咁相信愛情�H人變到唔相信自己會獲得一段美好愛情
甚至而家想收埋自己唔想出現於人前
唔想俾任何人有機會接近我
好似都有少少慘
我身邊開始有人同我講
你下個會更好
好快就會有下一個架啦
話唔定好快就話突然閃婚
我每次聽到都只可以無力咁禮貌咁笑一笑
就算佢哋係我好親近�H朋友
我都無力氣向佢哋解釋我以上而家�H諗法
可能幾年後回望返而家�H諗法只係我未好返
但至少而家�H諗法係真
而家�H我
唔信我值得一個好好�H人
唔信我會再遇到一個我好愛都好愛我�H人
覺得就自己一個到老就好
唔好去害出面其他人
至於你呢
雖然私心唔想你咁快就轉投另一個人懷抱
如果聽到呢個消息都係會唔開心
但更多�H應該都祝福同慶幸有人好好對待你
嗰個人一定係比駱康雯優秀千倍萬倍�H人
至少佢識得點對你好
不過你唔似我戀愛腦
你無愛情都可以
你好獨立你享受自由
你有好多好朋友
佢哋可以填補你愛情呢個空位
呢樣都係我一直好羨慕你�H事
無論點
你有下一個又好無又好
你開心就好
你健康快樂
你心中想得到�H嘢都能得到
工作事業三隻貓健康可以陪伴你長長久久
就好
祝 安好
|
