今日又要返學校...所以又係6點幾起左身...今日呀媽休息...佢煮早餐俾我食...不過都係食三文治炸...慘...咁又係好似琴日咁...玩左一陣電腦先出去..但係我8點先玩...都見唔到有人on icq...咁就走左lu...

今日好早就出左門口...好快就有車搭...去到蒙民偉都係8點30分...咁我就唔想咁早入去..所以就係出面籃球場睇人打波...本身我都想打下嫁..不過著住校服...打唔到..咁坐多左一陣就入左去lu...

等左一陣呀忠呀都返左黎...佢今日冇錢...請唔到我飲野...我自己都冇錢...算啦...聽日先飲啦...咁我就係度抄工課...抄左陣就上左去課室...又要同個扮蟹王坐...好鬼唔想同佢坐...又係度同我扮曬熟咁喎...俾佢吹脤=.=...

上上下堂冇啦啦俾人叫我地去映相.,..唔洗上堂...不知幾開心呀...映左好耐...不過我今日映相應該好柒...算啦...

今日好鬼多野做...做左好多野...冇啦啦又要分組..死...我要同3個女仔一組...個個都係豬...得我一個男仔...不過算啦...佢地好鬼串呀..俾佢地幾個八婆串死左...miss仲係度讚佢地...=.=......唔鉅呀

等左好耐終於有得放學...正所謂「返學等放學,放學最快樂」...呢句野幾好呀...我諗好多人都係咁諗...今日忠哥去藍田學野..咁我同佢一齊搭215x...佢搭一個站...我搭好多個站.....好快就返到屋企..

言到屋企就緊係要食飯嫁啦...咁我好快食完...咁就叫鵬,鴻.洛佢地踢波啦...約左佢地1點30分藍田南等...雞佬佢遲到...算...佢陪佢細佬返屋企換3...算佢...個矮仔鴻都黎左...愈黎佢愈得意...個樣傻傻地..

去到個度高進都係度...冇幾耐c穎朗都黎左..咁我地就打2-3乒乓球...我都冇咩點打到...我就係度打機...fifa06...打到3點出左去踢波...有偉哥,鴻哥.雞佬鵬,洛,高進c朗咁多個,,,c穎朗個頭好鬼柒呀依家...好鬼好笑...

今日天拿水又有踢..haha...好鬼勁呀佢..冇人夠佢黎...踢完就落左去路透社抽獎...今日好黑...冇中到好野..咁就買野飲...今日請鴻飲..飲完又上左去踢波...

踢多陣..冇啦啦高進話見到胡x...但地就走佬...過左陣佢走左..我地又踢番波lu...踢到6點..個個都走佬...好累呀...