唉..今日9點先起身呀..一日比一日遲...唔知返學會點呢....唔知會唔會習慣唔到....好唔想返學呀...唔想讀中一呀..

好..講番今日...今日早餐同午餐都係自己整既..整得都幾好食嫁...早餐食燒賣+叉燒包...午餐呀媽髬左d好難食既野...所以我都係自己煮出前一丁好過...

食完就打俾雞佬鵬話踢波...佢話得...賢都得呀....我2點3先出門口...因為我要睇埋體育世界呀....今日佢話奇連士文..原來佢都幾勁...後生個陣時..haha

跟住又同彥傾多左一陣icq..佢話想搵日去mk行街...又再搵日去海洋公園...我就冇咩所謂...不過我又唔係咁想去mk行街...點好呢..

今日本身就我帶波既...點知唔記得左...個度就冇一條友有帶波...高進又話屋企冇波...所以全部人就黎曬我屋企攞波...有鵬,鴻,賢,高進4個人...

今日我又教左鴻點偷襲lu...佢都得左幾次...haha...我依家發覺佢都幾得意and跑得幾快...佢都係慢過佢呀哥小小炸,,,嘩..佢6年班一定快過我呀...我真係失敗呀>.<

因為我粒波冇氣..所以要去賓氣...要兩蚊...不過今次係鵬請我....thx....個個氣賓超勁呀..賓左4,5下...粒波就變都超硬呀..好難踢呀.

好跟住見有小小肚餓...鵬就買左碗涼粉..咁又跟住買...得就破產啦>.<..食食下高進冇啦啦捉左條野黎玩...跟住又係度玩d on9仔

好...講番踢波...得6個人...上左去細場踢...3打3...後尾多左好多人黎踢...所以落左去大場...有11個人...5打6...我地一球都冇俾人入到haha...^^

踢踢下...我冇啦啦一野射埋落一條友度...條友差d爆眼鏡...好彩最後都冇爆...但係我就幫佢加多左一條眼眉....其實係流血..不過好似條眼眉..最後都冇咩事

踢到4點幾..我就走左入去同呀幫哥打波..佢同我都係蒙民偉嫁...第日可能係乒乓波隊既隊友..同佢打左3局...2:1...我贏左^^haha

打到5點..出番黎...再踢多左一陣...就走左lu..今日識左個大舊佬...佢成日係度吹水...不過都幾好笑..而且佢踢波又幾勁...

好...咁又過左一日lu....haha