開會主題講<目標>

講者問我地2013年12月31日前有咩目標呀？自己話俾自己就得

我2013年12月31日前既目標係要有40000PC，續保率唔可以再低。係一定要做到，我要加油，堅持堅持(*^_^*)

 

開完早會就開自己branch既會，過多陣子，邊食早餐邊用電腦做野。基於我個位用電腦反光，跟住咪去將我後面秘書旁既窗簾放落黎，點知佢話我，做咩拉人地窗簾呢？我話反光睇唔到咪拉囉。佢話果個係人地嫁，我話我相信個窗簾係公用的。跟住，佢話我地唔可以拉人地窗簾，人地投訴嫁。我聽完就好奇，咪個窗簾有屬於邊個嫁咩？或許可能我真係唔知規矩，我真係覺得宜個秘書唔係好人><

 

到左1330同Wing Chan做role-play，我做agent，Wing扮客，扮一個25歲男仔，月入8K，做part time的。我整體都ok，但太正式，可以互動多啲，朋友形式多啲，咁效果更好。完左之後，以男人身份扮個客打上各強積金公司。開頭一兩次，對方會稱呼我為小姐，但我話係先生。過左幾次之後，對方唔再叫我小姐啦！佢我先生啦^_^我成功了，幫個客問左3間既資料。

 

1630左右去左成業街拎JCB credit card，以為拎完一天光哂。點知要成一個星期先有PW，真激氣，又要等=_=

 

1700回到公司，趕住print野執野趕1730銅鑼灣shuttle bus點知無位，只好等1800個班。1830終於到Causeway Bay啦，趕搭叮叮去會展聽talk。最終到1910先會場，超多人，搵唔到位，只好去直播室聽=_=今日個講者，黃桂林講得好生動有趣，勁投入去聽。可能佢啓發左我，令我更珍惜現在我擁有既一切同珍惜我既牌照、係宏利工作既日子。我會努力俾心機。好深刻印象係2011年係宏利既DD平均每年收入係286萬，每月大概23萬。嘩.....聽起都好和味更何況實際有呢？我有一半已經開心到跳起(^O^)

 

唔知係咪聽完宜啲talk，令我對宜個行業再次充滿信心，我努力思考點樣做得更好之制，我諗起西西。星期日同佢吹水，唔知講咩，佢話我係銀行買左個儲蓄plan。跟住，我第一句問你幾時買嫁？好似十月尾十一月頭買，實際唔係好清楚啦。個一下，我個心有啲傷心，點解你買唔搵我呢？又要咁遲先講（因為過左21日冷靜期個客無得退錢）表面無野，但內心唔開心。好彩佢話唔係好清楚幾時買，即係我仲有機會啦。但時間方面好趕，我要把握時機。聽完個talk行到地鐵站都已經2100,而且飯又未食。成日就係1130食過野之後再無食野-_-#

我係mtr等車過程中，好隨心咁打個電話俾西西，問食唔食糖水呀？跟住佢話想食m記多啲，我就順勢話好呀，反正我都未食晚餐。你可以帶埋份野俾我望望。咁又向成功跨進一大步啦^_^

 

之後，我咪邊食邊等佢，大家都有話有笑。食完野啦，開始講解......好彩我做足準備係公司印左份plan俾佢參考，因今日拎得太多野無拎到I pad。解左好耐，講左好多好多既野，用好多唔同方式解，佢都未有一個決定性轉。本身佢都唔多會cut，但我唔知講左啲咩講到雷曼事件，佢就趕都趕唔切話cut，好好笑

^_^心諗早知一早就講，就唔洗浪費咁多口水-_-#

幾經辛苦0030回到家，忙碌的一天終於完成了。明天再努力吧！