前晚凌晨3點幾先訓，但今日早早就起左身，食埋個杯麵咁就出去Lu。

出去踩單車，Yeah Yeah Yeah!!!

由大圍踩去大美篤，爽呀

天氣清涼，天色又靚，又可以做運動^^

今次四人行，兩男兩女，有Jason、傑傑、嘉慧、仲有我自己。

好開心，今次部單車好好踩呀，不同既上斜位都俾我上到^^

第一次，去踩大美篤水壩位。景色真係好靚，靚到真係有啲唔捨得走。

開心既時候總是過得好快，快到不知不覺間就過了。

如果開心既時間可以延長啲，蓋過啲煩事就好了/_\

之後下一場就係放題時段，去左旺角創興廣場食和田，Viki都加入一齊食野

間野第一次食，幾唔錯，三文魚切得好大舊呀，正!!馬刀貝，爽爽的，口感幾好

款式就少啲，可惜無我最鐘意食既酸辣鳳爪><真係美中不足

2100先開始食，可能太肚餓，大家好快就好飽。

真係好飽，之後就散場，各自己回家。回到家都差唔多0030啦，咁就過左一日。

沖完涼洗完頭，就等頭髮乾，期間同左Crystal傾左陣計。

雖然佢宜家係英國，有好多功課要做，但見到佢生活咁開心，唔會再受一啲不必要既麻煩事而影響佢，我都為佢而開心。

見唔到面，難免係有掛住佢。但如果佢係開心既，即使佢係邊我都好開心，因為大家係用個心為大家好。

希望下次見到佢，可以見到個全新既Crystal^^(開心左同靚左)