今日遲左出門，搞到搭唔到搭九班車，遲左番公司，好彩唔係遲得太誇張，更好彩既係PY不在，免得俾佢有唔好印象。

之後，1130開完會，更係落去<喜筷>食個靚早餐，時間剛剛好，叫得切早餐。食左個茄牛通、餐包、腸仔、煎蛋、熱華田，多謝成為26蚊呀^_^都抵食既，但宜間野煮啲野食有啲求其囉-_-#

食完野番到公司就梗係密密做啦！勁多瑣碎事做同唔容易既事做，做一件事要搵好多資料先處理到，要開電腦搵搵搵........

幾經辛苦，到左1500，做好哂。不過有啲餓，去左七仔搵野食。其實又唔係非常餓，但如果宜家唔食，一陣就超級餓，最怕係胃痛嘛！最終，我係食左唔少既。食左個撈麵、四粒燒賣、司華力腸、熱利賓納，勁多野食，我買完個宜個，有啲後悔，好似買左好多咁。但食落去好少咋，嘻嘻.....

仲有兩個鐘，就搭shuttle bus去銅鑼灣搵Nacky食飯啦。本身好努力打緊call，點知calra姐係咁同我講講講......咁就夠鐘落去排隊等shuttle bus。都係個calra姐，搞到我好似咩都無做過咁-_-#

見到Nacky啦，我地去左食咖哩，唔知叫咩名，但我記得個地址，嘻嘻......地址係羅素街60號富興大廈2樓，好似叫阿拉丁咖哩。到俾錢又係我俾住先，諗住一次過好好拎番上次佢差我既錢啦。點知佢話一陣先，好就等你。點知轉頭俾左100蚊我，差個24蚊。下次先喎＞＜我完全唔嫁你下次先俾我，但拖完一次又拖，明明銀包有好多張100蚊又唔打散。分明就唔想俾我，我對宜個人真係有啲扣分。

講起宜餐飯就真係火滾，前後兩個鐘都無，就接左5個阿媽電話。內容就係催我返去，自己在家好驚，因某人入院。某人入院，我聽完都已經唔會有啲咩感覺，因為成日出現太多＜狼來了＞事件，令我唔會有啲咩感覺。再者，我唔想再聽佢既任何事，聽到佢啲事，我已經好煩。唔係直接既煩，而係間接既煩。好似我咩都要無意之中要處理咁。

明明約Nacky係傾正經事，講無兩句電話響，講講下又電話響（內心好想話，究竟咩事啫？要隔幾個字就打黎，你有咁多女唔搵？偏偏搵我>< ）我想講，我話食飯唔係真係食飯，而係做緊野。到底我講到幾時你先明啫？成日就問我番工做啲咩，講完又唔明，仲要成日打亂我既計劃。我即刻趕番屋企又點啫？我咪又係做自己野。都唔會解決到你內心既不安。內心既不安完完全全係自己俾自己，旁人係唔會幫到你，如果幫到我唔會講咁多次，佢都仍然心有不安啦。被催促，又要做唔到我想做既野，真係有啲心有不甘，個人仲有啲火火地。

回到家樓下，媽專登等我回來，一齊上樓。真係有啲令人百思不得其解，自己家唔係比起樓下好嗎？大家番到家，我仲要專登等佢，洗好碗沖完涼，先有得沖。都算！自己靜靜睇野，點知又要無首尾唔關燈，刺眼到你呢，咩都唔想做。佢仲要話，關燈只係小事，洗咩講呀！問題唔係在於大事同小事問題，而係影響緊人，家得兩個人，唔係應該各有各做自己事，唔影響對方嗎？而且我係佢臨走出房間，我都已經再三提醒，只係佢無做到。跟住，佢就係到講，唔難之得某人唔鐘意你............

心諗我洗咩你地鐘意啫，我唔會因為討好你而做表面功夫，我就係我，我做番自己。加上我唔覺得有咩問題，只係同你地唔係好相處到。我要係宜個家能夠生存到，就係唔靠任何人，做好自己。講起宜兩點，除左住既問題，我夠膽講，我無靠佢地。反而，佢地靠我先真，成日就問宜到壞左點算呀，宜到唔識填個到唔識，我無宜樣可以借我嘛。小至煮飯洗衫換燈泡，大至整電腦整水龍頭，我通通都做過，我相信自己搬出黎住，完全無問題，宜家只在於＜錢＞

我都慶幸有咁既家，俾我學識咁多野，同時間有咁既家庭環境同姊妹，先俾到咁多機會長大。不過我一啲都唔鼓勵唔贊同，要係咁既家先能夠成長。

講左咁耐，我都係想搬動黎住。希望上天可以成全我，俾我可以得到一個機會向成功進發。

唔要再睇任何人面色，唔要再係一個唔開心既環境中，唔要再苦。

我要開開心心生活，我要每日都自由自在，我要生活樂在其中。

希望上天可以成全我。