琴晚凌晨四點先訓，今朝十一點幾起身。起身個下有啲唔夠喉添，好想再訓，但應承左人無理由唔去嫁!

今日係Pop Corn 睇1250既飢餓遊戲2，好好睇呀!但美中不足既係睇戲過程有幾個人係咁講野講野講野...勁嘈!!

真係好想講，要講行出去講呀，唔該!!!你要Keep住講Keep睇，番屋企買碟睇啦!!其實講野完全唔係問題，而係大大聲講，嘈住人.......(絕對唔係一陣子，而係全程講到尾，無停過)

睇完戲去下廁所咁，就要搭MTR去觀塘

陳美、阿楠、嘉儀、嘉慧、仲有我，5個人齊齊去左觀塘海濱公園野餐加影靚相，超開心有好好味既野食又有靚景影相^^

之後六點幾除左陳美之外，佢地齊齊去左我公司，為既係去廁所，哈哈緊係唔係啦!!去廁所指係其中之一，仲有參觀啦。重點係拎掛曆俾阿楠><

1930回到家了，心思思好想去跑步，而且難得有時間。

到左2030咩都冇食就出左去跑步啦，因四點五點野餐完，仲好飽。

今次同之前唔一樣，去左運動場跑，應該認認真真跑左5、6個圈，其實緊係行啦:P

2200又再一次回家了，沖完涼個人好爽，超舒服^^做完運動真係令捨唔同啲。

黎緊都要俾心機跑下先得^^