今日起身好累，好想再訓，但為左我既夢，我一定要起。煮左個豐富早餐，有菜有肉，正!! 均衡飲食^_^

諗住時間岩岩好，有車搭番公司，點知部衰Lift，搞到我等勁耐，明明有部Lift已經係36，點知我一禁就變36落。

起碼要等兩三分鐘先有Lift，唉....................

本身都以為遲到，點知番到位放低野再去開會個度，仲未開始。剛剛好，哈哈^^Lucky Lucky Lucky (學小夫講)

開完會，番到位做下文件野，做到勁眼訓，仲有對腳勁酸痛好似唔係自己咁>< 

到左1400先碌落樓下食米線，其實唔多肚餓但要Keep住定時食野，無計照食。

上番公司，開始做野，但飯氣"公"心超級眼訓，基於唔俾自己訓，又落左樓下七仔買糖食，希望令自己唔好有想訓感覺。

食完糖真係好好多，但做到咁上下又好眼訓。個時已經5點幾，最終訓左半個鐘。因夜晚約左個客食飯傾野，唔想無精神個腦轉得慢做唔到自己想做既野。

訓完真係好好多，個腦當堂轉得超怏，嘻嘻^^

1900去左九龍灣，同個客係一間叫<正斗>食中菜，間野好有中國Feel，所有設計同傳統中國的佈置差不多，但加入不少現代既元素。

中菜我一向都唔好，但今次目的係傾野而唔係食飯，所以無所謂啦^^最緊要係做到生意^^

個客好好人，請我食今餐。

我就同佢講: 等我下次請你食大餐啦!!

佢話:唔洗啦! 係呢，你2014年有咩大計?

我: 儲蓄買樓。到時請你食飯啦!

佢: 到時唔係你請我食飯咁簡單，係請我食入伙飯。哈哈...

我: 哈哈........

大家講到好開心^^

之後就回家了，累累累.............

一唔係做野狀態，個人就即刻好眼訓><