宜幾日都Feel到自己唔係好夠訓，所以今日俾自己訓個夠............

加上琴晚好夜訓，為既係同家姐同珠傾計，因唔係成日都有機會同佢地講野，大家傾計都要配合天時地利人和.....

你得閒時，唔代表別人都得閒同你講野。而且傾計係雙向既，同時大家有Feel先想講，HaHa.........

有時我都要專登就就就.....令大家可以講下野:P 

不竟每人都有自己既生活模式，我唔可能強行要別人同我一樣的。

俾自己訓個夠，開始既時候內心一啲都唔安樂，後來已經豁左出去了。無精神死撐，換來既係日日都好累，未能夠每件事都做得好好。

都係盡情去休息，再精精神神做野，效果同效率都一定俾死撐黎得更好。^^

今日做左唔少瑣碎事，幾經辛苦搞掂啦><

黃昏時候就係公司走Lu.....本想回家研究下啲基金選擇，最後當然有研究啦!!!但係先去捐血先，再回家食飯，才做公司野。

今次已經係第5次捐血啦，但今次真係令我有個<不一樣的捐血>

每次去捐血都會見到一啲新既職員，舊既職員當然唔少得^^

血紅素宜關對我完全唔成問題，因每次都多過11，今次有12.4，都OK啦!

平時捐血都係用開右手捐，而且每次都係一Take過，唔洗"吉"幾次，捐完都唔會有啲咩問題。

但今次真係.......................................

一黎個新手幫我插支針係右手，其實我都唔覺得有啲咩問題，不竟每個人都曾經新手過。

插完無耐....隻手好痛，跟住佢就話: 我隻手瘀左....所以要用另一隻捐。

宜個時候，我身邊開始多左幾個人協助我處理手既瘀同血。其實隻手瘀左，我一啲都唔驚。

我係俾好多人圍住，而協助處理我既問題而嚇怕，我無咩講過野，對眼淨係望住個天花板，因好怕見到支針><

我完全能夠體諒個位新手，每人都總有出錯既時候，所以我無怪過任何人。

處理緊右手既血同時，左手又開始消毒、插支針入去，痛就一定會有。

基於我左手血管唔明顯加上比較幼，而且又係新生出黎，所以用左手捐都比較麻煩。

係宜度真係好想多謝一位資深職員，佢好盡心盡力協助我捐血，而且佢仲要全程按住我隻左手禁住捐血個條管，令到我可以係一個好安全既環境下完成。

辛苦哂，多謝你呀!!資深職員，非常感謝你^^

雖然捐完左手同右手都好無力，仲有啲痛。

不過我覺得我少少既痛可以幫到好多人，我一啲都唔嫁意。

宜家相比起，患長期病既朋友，我宜算係啲咩呢?

人地個啲可能日日都俾人"吉"一針，我宜啲只係四個月，什至再耐啲先"吉"一下，所以完全無得比較。

少少既痛同時間，可以換來別人既健康，我絕對覺得值得，仲要係無限個值得。

希望睇到宜篇文章既朋友仔，都可以齊齊支持捐血，用行動證明吧!!

你既血，可以帶俾病人無限既希望。

或許你有事，你都好需要別人既幫忙。

快啲去捐血啦，紅十字會都好需要你地既血。