2013年12月6日 - 夜晚先開始認真起來

前晚好夜訓，搞到早上起唔到，星期五早上十點要番去上Training，但我十點先起身搞到勁唔好意思。

佢地都遲左一個鐘開始，為既係等我。我真係超唔好意思><我內心超級唔安樂。

我10點起身，10點15分已經出得門口。

落到小巴站以為好快有車，愈係想快啲番到公司就愈係無車，最終半個鐘後先有車，超級耐....................

記得個時我仲要超級肚痛，好想回家，但我又唔可以咁自私，人地等埋我先開始  (個腦好快咁消失左宜個想法)

到左11點先回到公司，勁耐。搞到我好似搞好耐咁><肚痛仍然Keep住，開始Training啦!

聽緊個時，超級想快啲完，勁辛苦。無理由人地講講下去左廁所嫁嘛，加上係我遲到先，唔可以咁自私嫁!!

等左好勁終於完左啦!!!可以解決了.................

12點幾同左Wing Chan食米線，宜個係我既第一餐。早上咩都無食，只係飲水。

整下宜樣整下個樣，咁就夠鐘出發去尖沙咀搵麗妍食晚飯，順便講下佢份儲蓄單更改啲基金選擇。

我地去左花園餐廳食，幾OK啦^^10點半就回到家了，家打邊爐無預我，又唔講聲><

後來，食左幾粒丸。丸我多多都食得落，因為我食丸大王，哈哈哈哈.................

2013年12月7日 - 訓到傻左

前晚應該都好夜，今日下午三點半先起身，好耐未試過咁訓法啦!!!

我相信遲下搬出黎，自己住可能仲訓得多，因無人打擾我，哈哈哈........

差唔多下午5點先食第一餐，有麵有菜有水餃，好豐富^^

食左宜餐之後，完成冇食晚餐，直至凌晨四點幾訓教

哈哈，養我幾容易，食一餐搞掂，餘唔係訓就做....................

食完野，我做左勁多野，宜到執執執.....個到整整整..............

電腦啲檔案執得乾乾淨淨，好正呀! !!^^

尤其執好唔少電腦裡面啲相，唔執都唔知，原來我電腦啲相足足有35GB，超多.....

兩隻16GB手指都唔夠，真係有啲嚇親人。無計啦，之前買左部相機之後，勁勤力影相影相影相..........

到電話既影相技術同相機差唔多，成日就用手機影相，去邊到都影一餐，有人影人，有食物影食物，好想留念自己既每分每秒，記住自己做過既事。

啲相2009年開始儲，足足有成5年。一年都有幾次備份電腦既野，好怕啲野無哂，相無左唔可以再影，所以我非常珍惜每一張相。

每年都有成三十四十個File，分好哂類，每個都有自己主題同日期，五年加埋有百幾二百個。聽起黎好多，其實正常啦。

一次過執真係恐怖，但每次執少少，就容易好多。所以要得閒就做下，唔懶得，如果唔係遲下就超級辛苦。

2013年12月8日

琴晚四點訓，今日12點半起，為既係踩單車。

今次由大圍踩去Ma On Shan，感覺唔多好，因為四人既踩單車有兩男兩女，有人踩得超級快，搞到完全無四人踩既感覺，只係覺得自己一個><

而且好快就踩完，加上無咩好睇既風景，由頭到尾得個踩字，無溝通無講野，只係踩踩踩.......................唉...........無癮!!下次都真係要諗諗同唔同佢地踩......

踩完之後，去左食7仔食雪糕，之後就回家。

回家沖個靚涼，就係屋企打個邊爐。再一次四人邊爐，今次轉左人Lu，變左無燕得珠仔。

哈哈.....................我仍然係主要份子。安靜咁打邊爐，食菜食水餃，當然唔少得我最愛既丸啦^^

跟住咪用下電腦，同時將人地俾我個一百四十幾隻VCD DVD打左個List，好辛苦咁終於打好哂啦!!

聽日要開始努力做野啦!!加油!!新的開始^^