琴晚四點幾先訓，仲專登較Alarm12點起身，完成埋2013既野

點知Alarm未響....我自己已經起左^^可能知道太多野要做啦!!

5點就已經要出門口啦，但係勁多野想做....

最後我決定左2013年的最後一日做一次靚女lady

做左個深層清潔，再膚左個Mask，再揸護膚品，畫埋眼線，靚樣行得。

著番條裙，做番個女仔，再著絲襪，再著Boots，拎番個靚靚手袋，成身靚哂，出去Lu!!!!!

連我自己都覺得今日的我，是不一樣的我。靚女左勁多^^2014我要多啲扮靚

好耐無見西西啦，連佢都話: 依.........估唔到你喎!!!仲以為你會著得好Hea....

哈哈........年尾梗係要俾個驚喜大家:P

識左西西5年幾....今次係第一次大家影番張即影即有留個紀念^^

一人Keep一張，令大家留番個美好回憶，開心呀!

1314同西西一齊過，我地既友誼係一生一世嫁!

終於到容祖兒演唱會啦，超級超級開心，我仲好high添。

真係估唔到自己既High可以感染其他人，嘻嘻!!

我坐路口位第一個，西西梗係坐第二個啦

就快開埸第三、四、五個仍然無人坐

到左Joey出場無耐，果3個宅男終於出現，仲好無禮貌咁走過我身邊(讓一讓都冇講)

3個宅男一坐下，就係咁講係咁講，仲要大大聲講，前後左右都望住，但全部都無出聲。

就連Joey唱歌都係咁講，一點都唔尊重表演者，仲要打機添!!

西西覺得佢地超級煩，仲好影響聽歌心情

佢同我講，不如坐到11點半就交換位。我話好呀!

過程中，西西無直接同佢地講，但間接話佢地。但佢地只係個一刻靜左...之後就Keep住講

到左我坐第二個位，開始既時候我無講野......過左一陣，到左等Joey再次出現時，我開始同佢地講。

我好有禮貌咁話: 你地可唔可以講野細聲小小，你地講野好大聲好影響人。

佢地無出聲，不過之後無咩點講野。唔係我講完個句，而係我好High咁跟住Joey唱歌，仲keep住大大聲唱

可能大聲到佢地講唔到野啦，嘻嘻^^西西坐果個位時，係無咩唱歌，因佢地太煩。

宜我決定左用行動感染佢地，令到大家都開心^^

去完Joey演唱會，令我更想每次佢開既演唱會，我都要去!!!!!!Joey, i love you >333333<

同Joey一齊成長，見證住佢既輝煌的一刻。

見到佢病住都可以做得咁好既演唱會，令我覺得好"殘" 愧><

我要向Joey好好學習，我要撐住^^

即使完場，我都仍然非常之興奮，Keep 住好High狀況:P

之後，坐家姐男友車去深水涉食糖水，同西西、家姐、家姐男友、家姐男友既朋友，一齊食左2014既第一餐^^

坐車期間，西西話好似番大陸咁，因為番大陸先有機會坐私家車，係香港未試過。

個刻我諗，我幾時先有機會有屬於自己的車呢?

家姐男友個架車，正正係我想買個款。

2014，1月1日我同自己講，我要係燕畢業前，我一定會有屬於自己的車。

大家等下我啦，嘻嘻!!

食完糖水，去左一轉順利，送某人回家。

回到坑口過程中，我地keep住聽歌Keep住估歌名，正呀!!!爽呀!!

回到了，唔捨得離開車，因播緊Shine 既燕尾碟，最後都係聽埋先出車

已經3點幾啦，有人話餓，去左麥記食2014年第二餐........食食食.....

回到家，搞下宜樣搞下個樣，咁就早上5點幾啦，訓教了。