整下野執下野，12點幾已經係床到訓教啦!!

可惜，兩點幾又俾人嘈醒><

好努力咁訓教訓教，為既係2014年第一個Monday Morning Meeting

好想精精神神咁開早會，嘻嘻^^

早早起來將1個小小生煎包、2個小小菜肉包放係焗爐，再沖好杯奶茶做早餐，正呀!!

簡簡單單、好好味既早餐，我鐘意!!

開完會做陣野，已經係食Lunch時間，我同Wing 去左龍門食麻辣手撕雞+烏冬，等左咁耐終於有得食啦!!

超正^^麻辣手撕雞唔係日日都有得食嫁...賣完就無嫁啦!!

食完又開始做野.......之後4點半去左新都Pizza Hut 揾麗妍媽咪簽份野，順便食下午茶

6點大家已經See Goodbye....我自己就四圍行.....邊行邊等嘉慧仔.....

又到差唔多時間.....食飯啦.......食食食.......今日真係離唔開食:p

今日餐飯即興...嘻嘻!!!因為黃昏時段先知媽媽加班....又要自己搞掂...唔想再食公仔麵><見到都驚

我地去左<上海婆婆>食，餐廳裝修左....變左特色化...坐得舒服啲

叫左三樣野，糖醋魚塊、擔擔婆婆麵、麻辣雞絲拌海蜇，樣樣都好好食

仲要邊食邊講，話題好似講極都講唔完咁，仲要講左好多當年今日、將來的家，愈講愈開心....

講下講下已經差唔多十點.....講到唔捨得埋單.............之後四圍行.....行到ok店，我買左一本久違無買既iMoney。

一書三冊20蚊，唔算好貴。20蚊可以學到唔少知識，抵俾呀!!

之後，我地仲去左松記食糖水........

今日全日食左5餐，真係十年都唔會有一日

因從來唔係食開下午茶，仲要下午茶同糖水共存

早餐同午餐分開已經好好啦，平時通常早午餐一齊食，嘻嘻