今日係週年覆試呀~今朝8點起左身!等下等下,等到9點鐘去換衫,然後返school同嘉惠一齊溫番first aid d嘢~過左一陣哥哥返左嚟~跟住再過多一陣kath都返左嚟!好無奈~我同kath都俾人當做patient,練包紮!跟住發左一陣脾4(因為我本身對書本有一種潔癖,so一見到d書有少少花左,就會發癲架la~)所以哥哥就唔好彩啦~我係咁唔理佢~~

                到齊人啦~我地開始出發啦!!我上到車,坐係mandy,嘉惠同埋kath後面.我地一路溫書一路玩同笑,好開心呀!!!
                上到7樓排隊等入hall度考筆試,我就坐係"你個蘭蘭"後面,跟住我後面有kath同嘉惠.開始考啦!好緊張呀~不過,d題目我都識ga~我唔知係咪我第一個finish呀~跟住就出去交卷同走人,出到去又見到嘉惠同kath,因為我要等stella,所以kath同嘉惠就去6樓考包紮試先,等埋stella,我地去考包紮試,我地都好緊張呀!監考我地個阿sir都好好人呀!最好笑係,阿sir話我地同隔離隊ga組所抽ga包紮係一模一樣嫁~~我諗今次應該會pass啦掛~~跟住我換返便服,佢地話仲有一個鐘頭部車先嚟到,跟住kath話,不如去附近間百佳行下買下嘢eat~嘉惠話佢同mandy都唔去,咁我,kath,紫韻,rain,2c三個女仔一齊去百佳.
                我地係咁停留係放薯片同糖果ga line個度,我行左好耐,後嚟kath介紹我食一隻果汁軟糖,我就買左佢同埋一罐"伯朗牌 cappuccino"我係第一次飲coffee呀~不過d味道都ok,聞落去好香嫁~~kath就買左d零食,跟住返去個陣,我睇到個個都買左好多嘢呀~有d去camp ga feel呀!!我地返上3樓等,我見到老鼠,原來佢同我地車一齊走..上到車,我,kath,嘉惠,牙沁,婷婷,紫韻同埋牙rain,幾個女仔係度唱歌,咩歌都唱d~唔理係咩歌,總之,識唱就唱~~好開心呀!!!!

                返到學校,我同嘉惠一齊走,我地行行下,個天冇啦啦落雨,我地就上天橋,嘉惠就返屋企,我就經"海趣坊"去碼頭總站搭車go home~~返到屋企仲慘!個5姨媽嚟左屋企食飯,佢地真係嘈到我想落行下......

                依家12點幾la~好眼瞓呀~~