今日七點幾俾我一個電話嘈醒哂成班,(頂!訓得果三個幾鐘=.=不過唔眼訓)波波仲訓得好甜~then十一點幾d男仔係到打雞,我同珊係到發癲~唱歌,到到十一點幾我食左個包仔就返工lu~(超肚餓…手汗出哂~硬係唔舒服咁)

後尾阿添又嗌我上屋拖地…頂!=o=but佢嗌我慢慢拖~o~跟住又嗌阿堯跟我,兩條友拖拖拖~拖拖下又話抹埋d油積…抹左個幾鐘佢嗌阿堯自己抹,嗌我跟一跟d下籃野~都未有!自由行咁啦!去下呢到睇去下果到睇,跟住食尾圍~超賤…有d人食完野又唔汁野....!!跟住夜晚後面主位~有個阿婆勁滿意我d服務態度^^(帶佢去廁所,幫佢斟溫水掛)跟住走話:你真係好人^^ (kind鮮~)then好多人放8點…得番我同恩,恆留係到…跟住放工我地三個同埋阿麟一齊走陸~同阿麟最後一次放工lu~

一返到大埔爆凍,返到屋企睇睇下電視訓著左

今日一起身就整哂野出去同慧怡去唱k,係火車站到有人籌旗(青山醫院)我捐左,but覺得好似青山醫院出黎=.=)跟住見到個婆婆企係部售票機到,同佢講:婆婆!呢部機壞左嫁啵!佢話我唔識買飛呀!你幫我買丫!幫佢買完佢個樣好開心,我都勁開心>v<!!如果我成日都有耐心幫人就好lu……>~<!

去到新之城樓下等左佢幾個字囉~o~跟住上到去係91號房…勁入勁遠囉=o=去到哇~超正無線咪.不過唱唱下冇電囉=.=打去搵人黎又勁耐打俾佢又冇禮貌一句唔好意思唔好意思cut我線…過份!!我地嗌左勁爆多野食呀!!成台都係~正!^^不過埋數一人八十幾蚊…

後尾我返工6點3先返到去…一落車見到波波企係門口係到食西北風...傻ga!又唔帶褸返工~後尾上到去~阿堯企門口~後尾我開工la~傳bbq~佢嗌陪堯跟我,後尾大至上都冇乜問題0既…傳傳下阿添嗌我上去抹屋~阿堯又跟埋我啦~哇!超爆靚啊~如果有個男朋友同我一齊抹既話我一定會勁玩^^~又有個露台仔喎!抹下床抹下台又落返去lu~抹左六七間房到la~後尾章總嗌我介紹人入去租房平俾我二百幾蚊一日喎~.~(雖然正…but咁貴...+_+!)落番去冇幾耐放工lu~

後尾同波波~堯行後門去河童屋企~一去到佢成家人係哂個廳到…不過勁nice~嗌我地唔洗除鞋~上去la上去la~上到去二樓成班係哂到,我一換完衫就更係即刻上天台打邊爐la!>v<!!跟住上上下上哂黎(我,珊,yumei,miki,大香,芯,河童,波波,姦錯人,閪昆,堯,誠,黃ming)勁傾計勁傾計,河童係到勁汁野勁汁野>v<!!跟住嫌我地嘈得制,出去切蛋糕(黃ming生日)切完就塔車走lu~個個上哂車咁制入埋錢…有8個青少年入得6個人既錢…個司機唔肯開車係到講數,跟住我同珊又想落車同yumei,芯,波波,誠,河童去河童屋企玩~then咪同個司機講話我地兩個落車~果兩個人既錢當我地幫佢俾啦~

去到河童屋企個個勁似做賊,偷偷摸摸=.=其他一去到冇幾耐訓lu~我同珊,波波,芯打機打到4點幾訓~超好玩~BNA~賽車~3國無雙…訓教勁逼……=.=(犯賤!有屋企唔返)

今日又係到勁打番之前d日記la+_+!!but都係唔夠時間打~算係咁la+_+um…唔記得左做過d咩喇~o~sor!!