今日原本話同彊c,,牙蛋去小然屋企...但係佢又唔聽電話...咁就同左牙暉番教會...
番到去見到個咩匡哥哥...已經結左婚....shit...話玩咩小天使行動,,,哈哈....
關心一個人真係好難....因為真係唔知點開口!但係有時我對個人關心係之後先知....
當時關心佢自己都唔知囉....而家要特登關心佢...真係唔知點算好....唉!~
好多謝bebby個公仔鎖匙扣....今日做左個10分鐘禱告....要我地感恩同為自己做過既野而去反思...
第一個叫左我分享...佢地讚我有勇氣...因為我同佢地講我唔想再講大話....
我記得以前小學真係成日講大話....因為媽媽唔比出街....但係到左中學佢地對我真係好寬鬆...
但係自己又唔心足...我發覺原來得到一樣野之後就會想繼續追求另一樣野...
小學就話4點半前番到屋企...之後6點前...中學就變左2點幾先番屋企..但係冇試過通頂....
點解我會想通頂....因為d fd話通頂囉!我而家先知原來以前好多野都係因為朋友既影響....
自己又係衰喎....跟人!因為我唔想係玩得開人既時間走...但係而家反而覺得通頂都唔係咁好姐...
玩咁耐做咩呀.....無聊喇簡直...!點解以前咁想屋企人唔好理我!因為佢地d屋企人唔多理佢地...
覺得佢地好正..冇人理....但係到而家我先知道我好幸福...因為我有屋企人鍚..佢地冇....
屋企人都係關心我姐....佢地唔問我d野..但係我都會主動講....佢知卧個係牙琪...邊個彊c,,邊個係牙暉...
我張d貼紙相比佢地睇....我係想佢知道我d fd係點樣....同埋我用既錢係佢地既...所以想佢地知我用左係邊..
我唔明點解d人唔同屋企人溝通....其實佢地真係好鍚自己...因為我地係佢地既親生仔/女....就算有咩事...
佢地都會支持你,,,咩事都會以我地為出發點..咩事都係為我地好....可能有時用錯方法....但係都係因為我地姐....
我地應該好好孝順自己既父母...佢地老左要好好照顧佢地...佢地生我地出黎真係好辛苦架~~
| 
