咁大個仔第一日返工呢~點知又比啊媽扼左我早到左~早左成個鍾去~咁就早左一個鍾做野~個到得兩男既~一個係老板~同埋個廚

 師~其他都係女既~~咁聽到係唔係好開心呢~~但係個D個個都係啊姐級~最多人既時係LUNCH~其他時間都OK得閒~D啊姐同

 老板娘就係咁同我講要點做要點做~第一日好多野都唔知點做~我覺得我做錯既野都OK多~不過佢地無罵我~可能係第一日掛~

 不過幾好啊~好過只做外買~咩野都學唔到~我今日都學左好多茶餐廳既野~不過我覺得20$一個鍾有D唔低囉~因為我咩都要做~

 好彩今日仲有個同我一樣大既男仔同我一齊做~我諗聽日會多野做D~因為佢聽日開始就唔返啦~佢仲同我講間野好多野做~個老板

 又唔好人~咁~但係我又覺得個老板幾好傾喎~可能係我第一日返~對佢認識唔多掛~算啦~當學野~下次搵份高D人工既~

 不過有一個好既地方~就係一過4點無咩野做~行下坐下等放工~有外買都爭住送~唔係會悶死~好啦~~聽日會是美好的一天~

 做野真係可以令人暫時忘記一D野~~真好~~做得好開心~不過可能過左幾日~我會想走都唔頂~因為好多野一開始都係美好的~

 但當耐左~你就會發覺不是哪麼如意了~任何事情都是~