今日本身心情就唔多好...
好似又回到從前的生活了...日日至少過了一點才睡
小丑也當累了...一直都是為別人而活
到底咩時候我先可以為自己而活...
缺點...向日葵...想不到自己會有這樣的一天
是太多的功課嗎?!欠左4次...其實都係遲左1個小息交...
6個鐘頭服務令...難做到嗎?不...只要寫從前做的也行...
或許我早就達到了...只差林太的寫名罷了....
但心裏還是會接受不到吧...
放學同珮傾左一個鐘...又飲左咖啡...失眠太多了...
講到缺點...就諗到自己以後既路...
講真...我真係唔知點好...真係好多野唔可以話係夢想或者係興趣就得...
就算係興趣...都要有條件先可以做到...
以前既興趣...我冇信心我可以做到...
如果做唔到我又可以做啲咩呢?!我真係諗唔到...
讀唔讀到落去得都覺係一個問題...如果我今年真係唔得...
我又會點呢?!唔通真係轉校?!定係過USA讀?!
呢個問題我問左自己三年...但一直都冇答案...
珮話如果真係唔得佢會頂到中五之後搵自己有興趣只要考牌既野做
但我又可以點呢?!我就一定要讀到中六...但好似都冇咩差別...
因為呀媽我細個學琴...之後又因為佢我放棄左
而家佢叫我跟佢學寵物美容...我都照做...
的確...我係學到...但...真係我想要既路咩?!...
呀爸果日話讀唔到書唔緊要只要唔好學壞就好...
但讀唔到書我又可以做啲咩姐...
壓力真係好大...呀爸果邊我有好多個堂哥堂姐...
但只有一個家姐讀得成書入到大學...佢地對我啲堂弟妹又冇哂希望...
個個都想我做第二個入大學....真係...好大壓力...
珮話讀唔成書我地又真係可以做啲咩呢?!
果陣小學個個讀書都好掂..但上到中學就死哂...
佢話如果我地學壞既話...而家就食煙飲酒...遲d唔通去劈友咩...
我既興趣...如果今次考試死左既...真係冇哂機會...
呢次真係我地既最後機會...如果珮升唔到...佢都打算轉校了...
前路令我感到茫然...
太多的面具和偽裝...
變得不像自己了...為何我就放不開呢...
同珮傾完之後...心情更差了...可我回到家裏還得裝作若無其事...
見到熟悉的人還要笑面迎人...如果不是演得太多年
連父母朋友甚至自己都不知自己是悲是喜....我想...
我呢刻無法再裝下去了...
今天我可以強忍著...但明天後天呢..
真的很難忍受..
次次都要咁...
食飯都要嘈...
我知我讀唔成書...
但駛唔駛日日食飯都要攞出黎講呀...
唔駛食都飽啦...夠哂頂心頂肺呀!!!!!
連食飯都唔俾我安安靜靜咁食...
你地到底想點姐...
成年啦...咁忍...真係好辛苦好辛苦囉
有咩事都攞我留班黎講...
好似我好想留班咁...
你地嗌交又拖我落水...
次次都咁中意拉落我成績度...
咁你想我點呀...你做咩你地都唔會認同...
有好多野都要自己把握
但有時我地需要既係放棄
|
