亭安:
我地識左咁耐，我從來沒同要求過d咩，我只想你睇下我想同你講既耶，就算你唔想睇，我都希望你可以睇落去，或者係忠言逆耳，但係呢d都我地咁多個既真心話，無論你睇完呢篇耶，你憎我又好，恨我又好，都希望你睇埋佢，留個cm俾我，等我知道你有睇過。
我知你好愛你d朋友，但是同樣地你亦愛你既家人，但你呢個禮拜你覺唔覺你做得過分左呢?
我曾經講過做左既耶唔好後悔，所以我唔係要你後悔d咩，我只係想你可以諗下你屋企人既感受，我知你好嬲你媽搵我地，但係我想同你講如果佢唔關心你唔愛你，佢係唔會搵我地傾，就只係因為你話你好似冇人關心你冇咩朋友，佢只係要求我地多d去關心你陪你，我相信你知佢地係好關心你，好想你好，但係有時你做一d決定既時候，你有冇諗過佢地既感受呢，我唔係要怪你亦都唔係要鬧你，我要你明日你爸媽所做既一切都係為你好，冇人想自己既子女係學壞，同樣我地咁多個朋友都唔希望見到有咁既一日，我唔話祺德佢地唔好，我係想你去控制下自己，諗清楚自己要d咩，唔好做令自己後悔既事，有時後悔你黎唔切架，就好似每個人都唔知自己幾時死，到死既時候佢後去後悔，但一切都遲左啦，你想成為下一個佢咩?
你嬲你媽搵我地，但你有冇諗過你媽怕你學壞?但你知唔知你呢個話最愛父母既人，係傷你父母最深……
如果你要學壞冇人左到你，但係我可以話俾你知，所有識你既人都會因為咁而痛心，記唔記得你同我講過，即使係一個你唔識既人死左，你都會傷心…人係感性既動物，唔係冷血架，所以每做一件事之前都應該諗清楚佢既後果，而唔做左之後後悔，後悔係冇用架。
我知你睇完會好嬲我，但我只可以講~只要你一日係我地既朋友，你父母個女我地都唔會放棄你……唔好再同你父母嘈啦，佢地身體唔好，你係比我更清楚架，你咁激佢，佢會點冇人知。
其實有陣時你要出去，你可以同佢講，我諗佢唔會阻止你，就好似今日咁…
阿驊佢地你唔係唔可以同佢地做朋友，但唔可以陷入出，你就算唔聽我講，我都冇辦法，我今日講既耶只有咁多，多我唔會講，我亦唔會講第二次，你自己好好諗下你應該點做啦…...
|
