今日真係令我既傷感又自責......

余sir今日話我地通識卷既分數低,

我心諗:死梗喇我~

跟住佢問邊個係有溫書但係都唔合格嫁?

跟住我就舉左手喇.....

點知呀sir佢話我合格喎,

我就梗係冇咁唔開心啦,

除左我之外有4個人都合格,

但係呀sir佢就話....

「呢幾個合格既人,都係我俾得鬆手咋,

如果唔係成班都唔合格呀!!~」

跟住我就梗係down哂啦.....

我就諗咁我一定係50分啦~

呀sir話如果想佢俾d意見既就跟佢去,

當然我就同美娟跟佢去啦,

仲有燕妮,嘉琪......

我去到之後本來心情都唔錯既....

但係到呀sir同我講果陣時就唔同喇...

呀sir話我d用詞唔準確,eg.完成的產品---(製成品);對外開放---(改革開放)

仲話我連d低分既同學都比唔上,eg.譚穎文....

我聽到之後就好唔happy,但係唔明顯(忍)

之後有一part係呀sir講過既(工廠北移的影響),

我喺果度攞左5.5分(滿分:8)

呀sir就話:

『對於一個坐喺前排既同學,竟然攞到5.5分喺呢part,

而唔係攞到滿分,我好失望﹏』

我聽到呢句說話之後,覺得有一種失落既feel,

而我都冇唔開心,係假既,有少少啦,

跟住佢就話之後都冇咩問題,

我就坐番喺嘉琪隔離,

我坐番去之後就係咁講「頂你個肺!」,

我點會錯呢d嫁,我實俾呀爸丙啦,

跟住嘉琪就同我談心喇,

我同佢講講下,我冇啦啦諗番呀sir同我講既野,

我就同左嘉琪講呀sir同我講既野,

我講講下,冇啦啦覺得一諗起呢句說話就好想喊,

我就喊左出黎喇,嘉琪就不斷安慰我,

但係唔知點解我就係停唔到喊,

當我唔比自己喊既時候,

我個心就好似俾d野壓住,

又喊左出黎,之後雅婷又安慰我,

我就同佢講我見到佢幾多分,

佢就問我佢幾多分,

我又喊又忍,喊左好耐,

我又唔想比呀sir見到喎,

咁我就係咁忍喇,

終於忍到喇,但係......

雅婷就同呀sir講野,唔知講左d咩,

跟住呀sir就大大聲咁講,

「你唔好咁輕佻,我就快忍冇可忍嫁喇,你知唔知你通識幾多分呀?!」

雅婷就正經咁話:「我知...」

呀sir:「知你仲咁,連呢d人都高分過你呀!!(拎住曾xx份卷)」

跟住我見到雅婷好似想喊,

我就行過去安慰佢,

仲細細聲喺佢耳邊講:

「你頭先都叫我唔好喊啦!~咁你都唔好喊呀~」

跟住佢都係喊左,我見到佢喊,

我又諗番果句野,我又喊埋一份,

雅婷沖左出去,我又出埋去,

美娟就跟住我,我喊到收唔到聲,

美娟唔知點解又跟埋我喊,

我地兩個都入左廁所喊,

喊左好耐,終於冇喊得咁勁,

我就同美娟講我喊既原因,

我就問佢點解都喊,

佢話唔知,呢一刻,

我覺得美娟係最了解我既......

之後美娟話不如落去跑2個圈,

我就唔制,死都唔落,

而佢就係咁拉我落,

之後都係冇落到,

跟住就去左行行學校,

我地諗住番留堂室拎番書包走人既時候,

呀sir:「你地咪走住,我有d野要同你地講~」

我地:「哦~~」

呀sir:「我知我頭先係講野係過份左,但係我都係想你地好先叫你地黎姐,可能我真係唔識教...」

「我頭可能真係控制唔到自己,如果唔係我可以唔理你地嫁,食完就訓,訓完就食咁,我地又唔係要對好耐,我做咩仲要理你地姐,我唔想我地以後面左左,好似仇人咁」

我同美娟已經喊緊,我望住呀sir喊,

「我講完喇你地可以走。」

跟住我地咩都冇講就走人,我同美娟仲一路喊....

其實我一d都冇怪到呀sir,都冇諗到佢會咁講,

我開始覺得係我地hunt左呀sir,

我地應該講sorry???

但係點解我會咁弱~~~