大家好!
我番黎啦~真係好奈冇見嚕`等我講下我去camp既野啦...
day1=]]"
我地放左學之後就開始去目的地---鯉魚門度假村
到左之後,我地聽完營地設備簡介就開始分房,跟住我地就就玩一d遊戲,到6:30既時候,我地就食飯嚕!
食完飯後,我地玩左一個叫奪命狂呼既遊戲,呢個遊戲係要我地搵番一d野.但嗰d野,我地係要搵到一樣野之後,再睇下佢有d咩提示,
然後先知道下一個地點係邊度..大約11:00左右我地就番房沖涼嚕!
day2=]]"
我地早上6點左右就要起身,跟住落到大球場,然後一齊做早操,做完之後就食早餐,食完就開始靈修...
靈修左一陣,我地F.2既就要考專章,呢次我地係玩乒乓波...真係好好玩,我都打得唔錯啊!
打完我地就食午餐嚕!到左下午1:00左右,我地就玩大比拼[一],我地要比拼既遊戲係"公主與屎"遊戲既野我就唔多講啦~
跟住,我地係有一個"個人時間"呢個時間係比我地自己番入自己房整自己D野,番到去之後,我地第一時間就係訓覺...
因為我,妍,瑜係第一日成日都無訓到覺,成日晚上,我地不停係房玩AnD玩oR玩...
到左7:00左右,我地就食晚飯,食完之後我地有個"終合晚會",呢個晚會係我地全個BB既人一齊唱歌,有時唱下唱下就一齊跳舞...
到左最緊張既環節,就係"死前60分鐘"係玩前呀SIR講左一個故事...
然後呀SIR就要我地用眼罩朦住對眼,一直行...但係我地係唔會知自己行左去邊...
玩完之後,我地當然番入房訓覺啦!
day3=]]"
呢日係我地要離開既一日,我地又係做完早操,食完早餐,再靈修完先玩遊戲啦~
我地今次個遊戲名係大比拼[2],呢個遊戲係鬥智,鬥勇,又唔知鬥咩..,最後我地嗰組竟然win左,好開心啊!
之後係臨走前,有一個最好玩既環節,我地要做既就係首先係一張紙度寫出自己既理想,然後再整成一隻飛機,等到全部人都攪掂之後,
再數1..2...3,跟住就將自己既飛機飛出去,然後再隨便拎一隻唔屬於自已既飛機,再喺飛機上面寫一d鼓勵既說話,寫完之後又飛番出去,再拎番一隻,然後又再寫,寫埋呢次之後,我地就自己比番呢隻飛機既主人嚕!
到左唔知幾點,我地就出發離開鯉魚門度假村,臨走前,我地重影番張相先走
點知有一d好攪笑既野,就係2個司機,佢地好似好唔耐煩甘,原本佢地係喺車裹面,之後無啦啦出左黎,望住我地影相,重叉住腰再加上佢地又帶住黑超,超攪野^o^
離開,真係要離開嚕!!
鯉魚門度假村---再見"
| 
