我一向都好怕睇韓劇，因為只要有少少感動我就會喊到９彩，仲慘過失戀。

最勁既係睇完韓劇會有後遺症，就係之後幾日會諗返Ｄ劇情然後不斷覺得可惜同好慘

然後心情會極為低落。

所以自從睇完藍色生死戀、浪漫滿屋呢Ｄ舊到冇朋友，但又會喊到收唔到口既劇之後就好少再接觸韓劇。

反而係咁追美劇，一時又查案，一時又超能力，一時又喪屍，一時又大癲大肺既喜劇

夠刺激新鮮，同埋起碼唔洗喊到眼腫。

但係近期熱話＂來自星星的你＂聽聞紅遍成個亞洲，連歐洲都話要翻譯黎睇，係咪路啊？

見埋身邊Ｄ人都係咁討論，於是我就用左３日去煲....

結果真係唔知點解會喊到豬頭咁。

既然喊左開頭，就一次過啦，於是我又上網搵下Ｄ人推介會喊到嘔既韓劇

咦，Ｄ人推介既劇都係之前果排幾ＨＩＴ，朋友係咁介紹我睇但我到而家都未睇既：

－４９天

－擁抱太陽的月亮

－屋塔房王世子

美劇暫時放埋一邊。

後遺症到而家我仲覺得千頌伊要無了期咁等都敏俊真係好慘......嗚。

ＰＳ。突然諗起原來最近有同朋友去睇一套韓國電影＂憨爸的禮物＂，大家都喊到痴鬼左線.......................