菲律賓    首都馬尼拉    有巴士被劫持，車上載有廿五名外國遊客，包括兒童，以及三名菲律賓人。報道指，挾持巴士的槍手是一名被解僱的前警員。

搞左成大半日，到夜晚先開始所謂既拯救行動，呢點已經要鬧。
開始行動又鬼咁死慢唔優做咁，呢點又要鬧。
慢得黎又要驚死，淨係側邊睇唔去郁手，呢點更加要鬧！
大佬，１０點幾開始俾人挾持，你班警察要靜觀其變，ｆｉｎｅ
到２點幾人地槍手講明就黎有大單野發生，
你班馬尼拉差都仲企埋一二邊完全唔知做乜
搞搞下又過幾粒鐘，車上面ｄ人唔知生定死
到成８點幾９點，你班廢柴馬尼拉差先開始拉大隊行近架車！！
擺到成副備戰狀態咁，點知淨係拆道車門都要拆成半粒鐘
大佬，咁慢手腳俾個槍手知道你班廢柴想衝入黎
佢仲唔拎槍射底一兩個人質下個馬威先！？

都唔知用左幾耐淨係睇佢地係到拆門敲窗
終於見到有個人半邊身掛出黎佢地先識驚
拿拿聲快快手咁開道逃生門
有路入都仲要等，等運到咩等！！

或者ｄ人會話班差佬要部署要有紀律唔可以亂咁行動
但俾你點部署點有紀律都唔駛用成１０粒鐘啊！？
車入面有幾人人係驚到死，有幾多人係喊到無氣
有幾多人係俾槍手殺左？？
咁多個鐘如果可以提早ｄ救，好多野都可以解決
槍手就得一個，但現場警察就唔止十幾廿個
咁都要搞咁耐　！？

馬尼拉政府之前仲話對事件樂觀，保證人質可以釋放
樂觀？而家死左六件，你保條命啊！？
馬尼拉ｄ人有你呢ｄ咁既政府保證前景真係唔方唔樂觀喇！！

今次個槍手唔係要錢唔係要人，只係想復職
而且佢既老婆同細佬都在場
唔明點解都可以搞咁耐而且仲要賠上８個人條命
車入面Ｄ人死既死，傷既傷
混亂間仲要有條友掉催淚彈囉大佬！！
如果入面有人只係受左傷而因為呢粒彈而窒息
你班耿馬尼拉差間接殺人喎！
係咪要成班拖去打把丫！？

馬尼拉唔見得太平，班差佬幾大都應該受過呢類既訓練掛！？
係要有大單野發生先知你班人有幾咁不足囉
你地國家既女人去第２到打工好辛苦架！
好心你班友仔就好好訓練保護好你地ｄ人維持好治安黎報答佢地啦！！

呢次悲劇受影響既家庭你菲律賓全國加埋都補償唔到囉！

最後希望死者可以安息
幸存者可以早日康復
願世界可以添一份和平，少一次戰禍。