今日果場對聖潔靈..上半場浩恩師姐問我出唔出得..我話唔得..

              係因為我呢兩日心情唔係幾好..唔想出去累左佢地..

     我無諗到唔出仲會更加累佢地..因為..santa唔多..

                             佢地頂唔住..佢問左我幾次..我都依然話唔得..

                 之後阿貴黎支持我..俾信心我..佢地個個都叫我出..我當時都仲係好無信心..

          到我出左去..我搶左一球籃板之後佢地就鼓掌支持我..好大聲好大聲..

             個個都幫我打氣..我當時真係好開心好開心..之後我就好俾心機咁打..

       最後輸左3分..完場握完手之後師姐捉左我地黎訓話.. -﹏-"..

                 我忍左好耐..同自己講..一定一定唔可以喊..但係佢地仲係咁係度講..

           我就忍唔住喊左出黎..我dup低頭係度喊..何小微就同我講..

              你依家喊都無用..結果係唔會變..你自己唔努力打好無得後悔..

      師姐們..我喊唔係因為我覺得自己打得唔好..我覺得自己已經算打得唔錯..

                 起碼我進步左..肯揹位..有搶籃板..雖然唔係成日搶到..但我盡左力..

         已經比學界果陣好左好多..你要諗吓..人地高又高過我..大隻又大隻過我..

            我點夠佢地黎牙..13號係咁壓住我..搞到我失左重心..我先會失左果球.. -﹏-"..

     你地放心..我8月既camp一定會盡力練波..為下年既學界作好準備..如果我偷懶..

                唔好靜係話我..打我啦.. >v<"..我唔會mind..不過最緊要唔好打頭..

           打手啦.. XDD"..嘩卡卡..*好期待個camp..

     ●今日Miss Hong Kong ' Bf..星星..肥仔..同狐狸仔都有黎睇..

     ●我既隊友..多謝你地..我既信心同動力都係黎自你地.. >３<"..Thxxx..*

     ●去M記食野果陣Miss Hong Kong篤我背脊..嚇死我..以為係鬼拍我.. -0-"..

       之後仲係咁篤我..原來唔係佢..係佢條仔.. -３-"..其實我都有d懷疑..

       因為我見到佢隻手..不過唔識佢..唔敢話佢..[[第一次篤係Miss HK..之後先係佢Bf ]]

     ●阿淇..既然知道自己衰咩..就要好好改..你係咪想無咩d fd先..?唔係既話唔好再咁喇..

                                                                                [10:45][6301]

         尋晚臨訓前我老豆問左我一條自己答案係錯既數學題..佢問3.6年係咪3年半..

              我話緊係唔係啦..3.5年先係3年半..或者可以講話係3年零6個月..

   又或者係3又12份之6年..佢就話因為話明係"年"..咁個分母一定係12..

        所以就可以講話係3.6..我講左好多好多理由俾佢聽..佢就話我硬頸..

     死都堅決自己既答案..仲想旭手打我..咁我阿媽就話唔好嗌喇..打電話俾人問啦..

           初初話搵明叔..但係佢又話明叔d maths一般..問林叔..好喇..

        林叔都話我個答案岩..佢就話人地d maths唔信得過..咁我咪話問表哥囉..

               問完表哥..表哥依然係話我岩..佢就話表哥教錯我..佢先岩..

           之後佢就話我地無學過12進制..16進制..算啦..你地唔明嫁喇..

                  喂..大佬牙..乜乜進制只係用於量度單位嫁咋..我無學過都識少少啦..

         唉..癡線..如果我個答案錯既..佢話我硬頸..唔聽人講..

              咁我自己死埋去俾佢打都得..但係我岩既..我就一定堅決自己既答案..

      好喇..個個都話叫我地唔好再嗌..咁我就廢事同佢嘈啦..去訓教算..

           但係.......佢竟然......捉我阿媽黎同佢討論..唉..點解我有個咁既阿爸嫁.. -0-"..

        我真係想要個..聽人解釋..講道理..唔大男人主意既阿爸.. -﹏-"..

             岩岩起身..佢仲係度講呢個問題..我話唔岩..佢就勁惡咁話我硬頸..

    算吧..食完野就同阿媽講話我去練波..離開呢個有阿爸係屋企既地方..廢事煩..

             搵埋紫欣去地鐵站搵老鼠..拎完之後就走左人喇..唔知點解我當時勁無奈..

        之後去左紫欣屋企..打呢篇日記..4-6點打波..我地諗住早d返去練射波..

                                                                            [14:10][6091]

                不過最反都係3點9先返到去..sh*t..唔知學校星期日唔開門..

          踢左拖返去..對鞋又係locker喎..搞到我無鞋著..唯有著拖鞋射吓波咁啦..

            今日阿sir同miss都唔得閒..得B Guide既3個師姐同我地練..

       阿B..何小微..何小儀..佢地主要都係教我地點走位..

              佢地叫埋星星同肥仔幫我地練..[[[成班自己學校既人係對面場]]]

          練練吓有個好怪既阿婆行埋黎..[[咁岩d人叫我]]..佢就問阿斯:

                   喂..你係咪叫嘉怡牙..? 佢就話:唔係牙..我係黃x斯..

             傻嫁..講自己全名俾人知..三唔識七..都唔知個阿婆係乜人.. -0-"..

              阿B行埋去講:婆婆..唔好意思牙..我地練緊波..有野可唔可以遲d先講牙..?

         阿B咁好聲氣同佢講..佢竟然鬧人.. -﹏-"..仲講哂粗口.. @xyz*$#^

          我同佢講野關你咩事牙..?講兩句野都唔得..你睇吓你..呢度條腰最懶係你喇..

     xyz*&%#..做雞啦你..之後阿B都廢Q事理佢..行埋一邊..

                佢同阿斯講話唔知咩咩我想叫你阿媽借一百兩銀俾我..講左勁耐..

           之後唔記得左邊個又同佢講話唔好阻住我地練波..佢又鬧.. -0-"..

             癡線的..佢走左之後我問阿斯個阿婆同佢講咩啦.. 佢話個阿婆叫佢用杞子煲水飲..

        一定要..仲話叫佢唔好話俾我地聽..如果唔係佢地話阿婆傻既..

                 講話咩一百兩銀既野都係特登講俾我地聽..引開我地視線..

           佢講完之後個個都話:佢都知自己傻既呢.. 無幾耐miss chan黎左..

             我地講哂d野俾佢聽..佢都話唔係下話..算喇算喇..唔好理佢..佢可能傻嫁..

       miss chan就過左去果邊同一位男孩子傾計啦..佢地坐埋一齊..

         個阿婆用d好淩厲既眼神望住miss chan..好似係度諗..呢個女人一定唔係正經人咁..

   傻既咩..師生係咁嫁啦..唔通老師一句野都唔同學生講咩..*打打吓波..

              d人特登串個阿婆..同阿B講:做雞啦你..條腰咁懶..呢度最懶係你喇..笑死**

       練左一陣防守+進攻既走位就走人lu..*

         ●返到屋企..我同阿哥/阿媽講返個阿婆d野..阿哥就話..唔係下話..一百兩銀..?

           佢清朝人黎嫁..?不如問佢識唔識kin龍啦..講落佢真係幾似.. -0-"..