當d人已經冇也心機點應你講既野既時候 應該就係變質之時

其實有邊個唔開心既時候唔想搵人發泄下?

有邊個講完自己唔如意既野想人地dead左你?

但係當對方發現你唔開心既野唔關佢事既時候 就開始"勸"你唔好搞咁多 再唔係理都唔理你

咁又係既 發生問題果個又唔係佢 而且呢個時候個個開心 佢做乜要同你一齊唔開心姐?

好d既咪安慰下你 問你諗咁多做乜 覺得都過左去囉

因為唔成功果個係你唔係佢地 所以 佢地又點會明呢d時候真係會唔開心到晚晚都想喊? 剩係會覺得你太執著架咋lol

講白d就係 上哂岸既人 理得你死咩 總之我成功就得 我 很 開 心

你同佢地發泄 表面上就同你講仲有機 心入面就覺得你煩

由始之終 佢地都覺得你無病呻吟

如果今日失敗果個係你 真係唔信你仲可以咁輕鬆囉

但係因為今日得我一個有問題 所以冇人當係一回事 只係專注沉醉於自己既快樂

將心比心啦 當你變成我既時候 你都唔會開心

我唔係話要你地日日關心 但至少可唔可以唔好belittle成件事 唔好覺得冇乜大不了?

只係因為你冇失敗先會咁覺得 你明唔明:(?