一直以黎,我每一日都好珍惜同你既見面,
那怕只有一秒...
每一晚都好期待你既每一個來電,
聽你講你果日所發生既事,
你唔比我打比你,只可以你打比我,
我明白,
所以無論你幾夜出左街,
我都唔會知,
而你出左街既呢段時間你做過D乜野,
我更加唔會知...
但係我會選擇信任你!
你出街,唔一定要搵我,我明,
因為我知道你都有你既朋友
你都有屬於你既娛樂同空間,
所以我唔會阻止你,或者發脾氣...
但係,咁樣唔代表我唔會介意...
我真係好想你可以企係我既角度諗下...
我次次出到黎,都有人問我
(你條女呢?)
而我次次都係只可以好無奈咁答,
(我都唔知喎)
佢地就會話,
(乜撚野你連自己條女去左邊你都唔知呀?)
我亦只可以好假咁用笑以對,
甚至,有人會幫我答到你係邊度,做緊乜...
我唔會覺得咁樣好冇面,
我只係覺得心里好難受...
一個外人比我更了解你,我唔會太介意,
因為始終我同你相識既時間唔耐,
但係,比我更清楚你既去向,你既位置...
我真係形容唔到果種感覺...
所以我成日都係度諗,
到底我係邊個呢,?
你男朋友?雞烜?一個渺小既過路人!?
或者我係你既生命中,真係好渺小,
只不過係一個好渺小既過路人...
但我都仲係會好珍惜我現在呢個角色...
因為呢個角色,
應該係你現在唯一既一個男朋友...