琴日同呀卓補完習次後去上first aid,
個導師又係呀雪喎...
first aid都幾好玩呀,
我幫呀卓包手時時,狂跌卷紗布落地下...
不過都幾好玩,好玩過上health check,
上health check淨係量脈搏,都幾悶下...

返到屋企唔知點解好似感冒..
想上網但又上唔到喎...真係黑仔呀!!!

我訓覺訓到2點左右,
有d聲音嘈到我醒左...
連我家姐都起埋身...
我同家姐一齊望下個窗出面發生咩事...
但望左好耐都搵唔到咩野...
我覺得係運頭塘果邊發出囉...
淨係聽到有個人狂嗌,仲要喊住好慘既大嗌:「點解呀?點解呀?點解你地唔要我呀?我係人渣呀.都係你地搞到我有病咋.點解呀?......」
佢不停咁嗌...好嘈,但我個心唔知點解好驚佢會死囉...好想快d搵人開解下佢,
可能我驚鬼掛...- -||
之後家姐"山"左窗,我就安心咁訓啦...
我肯定以上既事唔係發夢囉!!

今日我唔多想去屈臣添...-_____-
係屋企訓覺好d...

完...