今日開始唔洗返工~好爽阿~哈哈哈

如常又係好遲先起身~11點幾~點知…

一起身就肚痛~同時家姐佢又去緊~唉

等下等下咁就痛左十分鐘~

去完手洗間ge感覺真係舒服到冇野好講~哈哈~

梳洗後~12點正到~開左一陣電腦~

嘩-呀yan妹真係愈來愈似師拉~

日日吹我去買USB線~不過可惜買唔到~

因為佢ge手機絕左版~所以連線都冇得買~

原來我係上水見到ge都係二手貨~唉~真係sorry呀~呀妹~

原來有好多人都唔知Aroha點解~

因為le個英文字我係系女王的教室學返來ge~

難怪我連英文字典都冇唔到~哈哈~

劇情話有三個解釋~1.早晨2.再見3.我愛你~咁解

大約12點幾到啦-諗起自己約左人出去唱K~

咁咪出發啦~去到剛剛好1點3~佢地話ge1點3要到~

去到等左20幾分鐘都未到~

哈~遲到ge人地我屈左10幾元幫我找數~

2點幾開始唱~唱到就來5點佢地話要走~

咁我咪叫佢地走先啦~正低我一個獨唱左2個鐘~

haha~原來一個人唱K係好有feel架~

同佢地唱K根本唔係唱ge~佢地要有伴唱先唱到~

我點左20幾首歌~嘩-咩歌都有~超有feel~

又冇伴唱~自己聽清楚自己把聲~

我就認為自己唱得幾好~哈哈-

不過好唔好聽就見人見智架姐~

唱完K都只係7點正~去左M記買左個包~去7仔買左枝氣水~

食飽啦-坐車去恆安買套校服準備返學~

之後去左馬鞍山球場睇左一陣籃球~

然後去左新港城搵我細家姐~買書包~

點知佢睇緊戲~要9:35先睇完~

我係新港城果時只係8點幾~

咁我就去左甜品店到食左d甜品~超好食~

唔記得間店左叫咩名~8福甜品店後面~

我去過4次都係唔記得叫咩名~人老啦~有老人痴呆~

我次次去到都係食玻璃涼紛~因為有好多生果~keke

一邊食一邊睇電視~不知不覺9點45分~

我家姐打俾我叫我上去新港城搵佢~

之後咪去買左個書包~因為我唔識簡書包~

所以我咪叫家姐簡俾我~

買完之後家姐佢未食野~所以我走先~

因為佢個男朋友係到~廢事做開住燈但係唔識發光ge電燈膽啦~

行到馬鐵~諗緊坐車好定行路返屋企好~

最後決定左都係行路~因為行路我會比較多野諗~

返到屋企開機打日記~就係咁過左一日啦~哈哈哈