今日照常返學-不過今日有D特別~

原因我要一邊行一邊背稿-背咩呢?keke^^

咪係初團宣傳報告~一路返學冇咩野呀~

去到馬鐵上左火車見到呀so-有少少緊張~

唔夠膽望佢-直行直過~腳步都有少少亂~

一返到去攞完鎖匙落操場見到樺樺-同佢試左一次之後打鐘~

嘩-突然之間有少少驚-驚唔記得台詞~

到我地宣傳ge時候-呀樺上台先~

佢到最高果一層~我就同佢講︰唔洗咁高呀~

一開始有少少唔順口~講講下就開始好快~

原來企係個台到係可以見到所有ge人~果種感覺非常之好~

上到課室同返我後面果個同我同姓ge人講返見到呀so ge事~

上左中文堂-keke^^作文-不過作左d垃圾~

小息時都係同後面果個人傾計~

之後去開locker-見到章小姐係音樂堂門口~

咁咪問候下佢囉~因為始終係新職員~應該多溝通~

之後上兩堂英文-悶到死-跟住電腦~冇野做-

午餐-又係同呀恆-仁-瑋-田一齊食-

講起瑋哥-我覺得佢變左-變好左~

食完返學校開門-同D男仔玩左一陣~

玩到悶悶死咪出去走廊囉-點知又見到呀so同佢D朋友~

咁我咪縮返課堂囉~同我同姓果個立即衝返來叫我出去say個hi~

咁我咪撞下膽出左去-不過果時我已經見唔到佢~

咁我又返返課堂呆坐-佢地話呀so會落多次來喎~

之後佢地上左去3樓-我以為佢地去搵呀so~

點知呀so真係落左黎-我見佢好似搵緊佢地-

咁我咪同佢講佢地上左去搵佢-佢就走左~

兩年啦-我同佢講野都唔超過5句-真失敗~

呀so上左去之後-佢地落左黎~我先問返佢地係唔係搵so黎

佢地先話我知去左圖書館-唉-(超囉)

之後上dt-聽呀sir講道理唔悶-聽佢講課題超悶~

跟住係數學-冇聽書-因為我識晒~keke~

放學俾miss wong捉住-去左禮堂整海報~

臨走見到呀朗打排球-心思思想打~就去打~

打打下見到呀so-諗住我都走架啦-不過諗諗下~

都係唔好啦-因為同路-見到面好尷尬~玩多15分鐘先走~

都唔知點解今個星期時間過得好快~唉