e排發覺有好多野都唔係想像中咁理想 唔係自己覺得點就係點 近排又發生左好多我地都估計唔到既事 想幫又幫唔到 唉...真係有少少無奈 個種滋味真係好難受啊 不過再壞的事我地都已經接受左啦 有時我真係想時間可以回到我細個個陣 因為可以同最錫我既爺爺一齊生活 我諗我細個最開心應該就係係個陣 以前沒珍惜既野好想珍惜番 即使想又點啊,想同做係兩件事 根本就係諗緊一D無可能發生既事 次次諗到呢到我個心就好痛好痛...... 但係依家我會將呢d記憶放在我的心中 記住佢直到永遠
所以你地都要記住珍惜眼前人啊
今日係屋企度睇左一套電影 叫做"藉着雨點說愛你" 好好睇啊,同埋好感人嫁,睇到我 話有一對夫妻,佢地生左一個小朋友,叫做佑司 但係之後佑司個媽媽去世 佢媽媽臨終前話會係下個雨季番黎見佢地 到左下個雨季,佢媽媽真係番左黎,但係D記憶就無晒 之後佢地再一次一齊生活 六個星期的雨季過後,佢媽媽要走啦 佑司同佢爸爸都好唔捨得佢媽媽 因為佢地唔想再一次分開 但最後佢媽媽都消失左 睇完之後我覺得要珍惜眼前人 人一旦去世就唔會再一次復活 而剩下的只是一些珍貴的回憶
