今日係年廿九,

聽日就係年初一啦,

又要去拜年...........

勁無奈,

次次都要比d親戚問三問四,

煩死啦!!

我今日都好似平時放假咁,

訓到十點幾先起身,

而家都仲好想訓,

不過唔得呀,

一陣有成大班親戚黎我屋企食盆菜,

到時實大混亂啦.........

慘啦~~

今日同阿妹同表妹去圖書館,

點知比表妹整唔見咗我阿妹隻暖蛋(類似).........

搞到我要行番去揾,

最後仲揾唔到添!!

唉...............

年初四仲諗住揾阿雪雪,yu,采盈妹去太空館,

點知雪雪唔去得,

唉...............

算!!

今日都係好似平時咁,

冇乜野咁,

都算幾無聊...........

我開始發覺Monkey好咸濕,

成日係科學堂講埋哂d咸野,

好似好叻咁,

煩都比佢煩死啦!!

人地係乖乖女黎嘛,

簡直污染人地既思想呀!!**

今日上英文堂之前,

Miss Lee冇啦啦話有插班生入我地果班,

聽到之後真係O哂嘴囉,

有插班生喎............

都唔知佢係d咩人黎架,

係肥,係瘦,係高,係矮都唔知,

真係令我好想快d見到個插班生個衰樣,

haha.........

今日都幾特別下,

歷史上咗半堂後就要去hall睇阿拉丁,

開頭都ok吸引到我注意,

但之後果段係完全唔知佢講咩,

勁無奈呀,

我仲差d訓咗添!!==

不過我都幾鐘意劇中唯一一個既女演員,

幾靚女,

唔怪得知阿拉丁會鐘意佢!!~

放學之後諗住去交笛子班學費,

但又見唔到Miss Lee,

唯有托Miss Chiang交比佢,

都唔知點解Miss Lee走得咁快做咩,

十成九都係有人約啦!!

放學之後,

我地四小花就去咗OK食新地,

d朱古力醬多到癡線,

食完包你肥死!!

之後就去咗附近既公園玩滑梯,

勁happy呀!!

今日都算幾開心!!*

哈哈..........

我今日特別開心呀~~

首先,

係今日冇乜功課,

正常d黎講,

d老師唔比功課就好似會死咁,

其實都唔係d Miss比少咗功課,

係我乖乖做哂啫!!

我係咪好乖呢,

哈哈........><

今日又係沉靜的一天,

好似比平時靜咗,

可能因為呀二哥唔係度啦,

所以班房又靜番d啦.......

不過到數學堂果陣,

成班係完全唔同哂咁,

玩到癡哂線,

算啦,

我地果班係唔正常d架啦.........

哈哈..............

到放學果陣,

我同雪雪+阿花就去咗音樂室,

目的係等雪雪交樂器班錢,

雪雪交完錢後,

我同佢就諗住番屋企,

點知就比阿花屈咗去買糖食..........(雪雪走咗)

.............

唔知點解呢排好鐘意講'無奈'呢兩個字,

哈哈~~

可能跟得阿yu多,

所以成日咁講,

講起阿yu,

今日真係有d對唔住佢啦!!

我同采盈妹佢地係lunch既時候,

見到阿yu同d男仔係度玩,

所以我地就靜靜雞去食野,

拋低咗阿yu,

佢今日好似唔彩我地咁,

真係Sorry啦!!

唉......

我唔得閒啦,

Bye啦~

琴日係雪雪既生日,

咁我就首先祝佢生日快樂,心想事成啦,

過多兩日,

就到我生日啦,

我琴日亦都開咗生日會,

我都諗住比d靚相你地睇,

但係就up極都up唔到上去,

算啦,

遲d先比你地睇啦..............

琴日既生日會我只係請咗一位小學同學,

冇請到你地真係唔好意思,

事關我既生日會好早開始,

亦都好遲先完,

而我個fd可以玩到好夜,

所以我味請佢黎囉,

我地由點幾鐘開始玩,

玩到9點幾先走,

係咪好夜呢!

我都話咗啦~~