老公見我隻腳都好左好多(只係仲有好少好少腫n仲有d紅)決定今日同我去書展行下，阿妹都一yeah!yeah!

好在有肥媽煲左d特效藥比我飲(不過都幾難飲)，如果唔係就無可能好得ga快la(真係世上只有媽媽好la)，不過今年書展比往年差左d，可能我倦la同埋無咩書合適，我都買左好少書，阿妹都買唔多，淨係攞左好多講佛ga DVD比阿媽(係free ga tim)，我買我要買ga書之後，就座低等佢地兩個，佢地行到差唔多就大家打道回府la。

唉~點解今日緊黑仔ga，今朝一早就收到老公電話~話入左急症室(佢好攪笑打la第一件事叫我唔洗驚、冷靜D聽佢講先真係呀)，原來佢做做下野隻手麻疹左，之後開始第二隻手、隻耳仔最後連埋個口tim，佢公司為安全計就送佢醫院，好彩最後check左都你無事，我都放心曬。

不過我就無緊好彩la，全身都敏感，成身一點點紅點，最慘係隻右腳紅曬同腫左tim，之後隻左腳又開始有，好辛苦，唉~最後一放工就立即去睇醫生，連醫生都話點解緊勁，最後仲要我打針tim，好慘呀，人地一生人最怕打針ga，又要食藥又要打針，返到屋企仲比個衰佬笑<<豬蹄腳再現tim>>，真係比佢激死，唉~~真係希望d衰運快d離開我兩公婆la，唔該~唔該la。

~~~登登登! 紅燒豬蹄再現la~~~

好開心~~玩左兩日，不過就疲倦左少少，返到屋企都散曬la，我仲連dinner都無食，一路瞓到今朝8:00返工tim，老公仲笑我係豬la ga，比佢激死。

不過今次一家人去玩，大家都玩得好開心，個傻b全程都跟住我，又有叔叔抱抱，瞓着左連姑丈都出動抱佢，又有禮物收，我諗最滿足個個應該係佢la，希望好快又可以再一齊去旅行la。

haha~後日去旅行la，好開心呀! 第一次一家人去，美中不足就係阿妹去唔到，不過算la，下次再去la，今次原本係老豆提出同埋由佢請ga，但係我地都大la同埋都全部已經出la做野，無可能再要佢兩老請ga ma，所以佢兩老ga團費就由我地幾個仔女分擔la。

不過佢兩個好煩成日問全部用左幾錢要比返我地，死都要佢地請，煩死呀!最後大細佬叫佢請第一日旅程晚餐(係長隆睇馬戲果餐要自費)及個兩日洗費由佢地比曬，佢地先無再煩。

而傻b可能第一次去旅行，成日話要自己執行李，又話要拉喼，真係比佢笑死呀!攪到我地鬼緊興奮，想快d出發tim，希望個兩日天朗氣清la。

哈哈!又到父親節la，今個父親節過得好開心，我諗老豆都一定係law，因為今年我地同佢一齊去沙漠玩呀，今日我地請完佢飲茶之後，就一齊搭車入西貢，入到去沙漠阿媽先發覺自己著左長褲，仲話點解唔提佢，真係比佢激死，之後佢仲去摸蜆tim，成個大細路緊，傻b就最舒服可以換泳衣，點玩沙都得，我就慘la，比d蠔殼介傷隻腳板底，慘!慘!

到走個時順便買左條fish(老虎班)、聖子n貴妃蚌返屋企慶祝，老豆仲去街市買左好多蟹返la，點知阿媽town平買左條新鮮咸魚la ga，又成為一大笑話，唉!就係緊就過左一個開心ga father day! la