19/8
我地今日出發去長隆玩~我地4點就開始出車去皇崗塔車上去~我地上去都起碼要兩三個鐘車程~我都訓左一陣~我地去到都天黑lu~我地住大姑媽屋企~去到我地都換鞋去食飯飯lu~食完我地返去~我就第一個去沖涼,佢地就打牌~沖完涼玩左一陣就去訓lu~

20/8
今日我地去野生動物園同大馬戲~我地睇左好多好多動物呀~我地普通見到既都有~有獅子,老虎,白老虎,樹熊,袋鼠... ...行到好累好累~但係又好好玩喎~仲可以餵佢地食野tim呀~不過要比錢好貴呀~我地行左好耐lu~我地出左去食lunch~去左"食街"食野~好似食晚飯咁~嘻嘻...食完諗住去打保齡球,不過冇位咋嗎~之後我地去左腳底按摩~佢地去按,我當然唔按啦~我坐左係側邊訓教~都訓左幾耐架~起碼一個鐘~之後我地再上車去大馬戲個個地方睇馬戲~個地方好大呀~我地一齊去左行街,行左一陣買野食,一邊睇一邊食~好快就開始lu~我覺得開場好特別呀!!!唔話你知點~但係好好睇呀~又搞笑又好睇~真係好啦~睇完都好夜啦~我地去食飯~今晚餐飯真係正呀~好味呀~我地要行返屋企~我又係第一個沖涼,之後訓左lu~

21/8
今日我地去水上樂園玩~我因為某幾個原因,所以冇落水玩~不過我幫佢地去影相~影左好多相呀~好靚tim~仲比人讚呀~真係好啦~我冇落水都覺得好好玩呀~不過可能係一種遺憾呀~差唔多走既時候,我係岸邊同佢地玩囉~之後我去前少少推我返岸上~佢地玩左一大日~用左好多錢呀~之後叫車車我地返屋企沖涼~我冇落水,所以變左我最後一個沖涼~真係慘啦~之後去食海鮮~好正呀~但係好貴呀~食左五百幾蚊呀~真係好啦~

22/8
今日我地去歡樂世界,即是機動遊戲~可能係好細,但係我地都玩左好多野~我地玩左11樣野~我玩左急流,漂流,4D影園,特技劇場,咖啡杯......其實都幾好玩架~我就玩左好多濕身既野~我地都睇左好多唔敢玩機動遊戲~真係好恐怖呀~好可怕~不過都好架啦~大家都有玩過~唔洗只係我地玩佢地睇!!~時間過得好快~又玩哂lu~我地就返左會所打保齡球,之後再去食飯飯~佢地打保齡球,我坐左係側邊睇~笑都笑死我啦~佢地講既野,真係好好笑呀~返到去沖涼,再同健表哥玩左好耐好耐~12點先訓~

23/8
今日要返香港lu~今日唔洗咁早起身~可能晏少少~不過我都差唔多時間~我地叫左車車我地去食飯行街~去左市橋~行左一個鐘咋~架車就車我地返去拎行李走人~不過返去都要兩三個鐘~我都訓左兩個鐘到啦~到左香港有康表哥車我地返屋企~之後我就要去學琴lu~之後食飯~

24/8
今日阿媽唔洗返工,因為佢令左好多日假~但我都要返去跳舞~今日都好開心呀~不過覺得有少少唔慣~岩岩去完旅行就要,即刻好似平時咁周圍去~真係有d唔慣~不過今日係好開心既一日~可以笑笑笑笑笑笑~