今日係大除夕, 今年唔想好似之前咁出去銅鑼灣, 蘭桂坊同人逼~ 年年都係迫到企响d街頭巷尾求其數左就算, 今年去左西貢自助燒烤~ 起碼唔駛迫, 又唔駛準備~

我地6:00响新都坐免費巴去西貢, 大家都好耐無玩過, 大家都好興奮~~ 去到join埋阿哲一齊行過去~ 個場都ok, 都幾多野食, 仲有d熟食, 沙律~ 不過最麻煩係無燒烤叉, 要用挾反d野食, 如果俾d無技巧的人亂攪亂炒, d野就會燒焦, 都係要俾番d有耐性, 有技巧的人去處理~~

食完野我地傾下計, 大家都出黎做野了, 好似好辛苦咁, 我真係要好好珍惜埋呢半年讀書生涯了~~之後我地玩下低能野, eg. bom ba wa, 森美小儀的無聊game, 阿哲永遠都係輸嗰個~~笑死~~ 仲有d無聊IQ題...

接近12點時無人倒數, 但傳來一陣陣歡呼聲, 我地都叫埋一份, 自己幾個數左就算~~

燒完我地就行去食糖水, maggie一路講電話我地一路搭嗲, 笑死, 真係笑到肚痛~~ 去到滿記食左個紅色highlight的腐竹薏米糖水, 都ok, 但好少料~

之後就番屋企了, 番到去3:00先訓, 好累好累~~ 成晚都不停咁笑, 都唔記得笑過d咩了~~