今日係exam大日子, 今個sem考一科only~~正, 大把時間溫, 溫到爛哂~~

出去時下大雨, 幾驚紅雨攪到exam唔到, 好彩都順利攪掂~ 不過番屋企就好唔順利, 因為新蒲崗lum棚架, 成個kowloon交通癱瘓~ 我上左架15號巴士, 去唔到一個站就塞住左成3個字, d人都忍唔住要落車...咁大雨之下, 我都迫於無奈落車, 由紅磡碼頭行到去歐化搭93k, 點知行到大路, 見到d車塞住唒唔郁, 好多人落車行路, 原來真係好大劑, 我見到3架93k塞埋一齊, 都唔敢上~ 試下行多2個站, 都係一直塞~ 之後就決定去搭105, 小巴應該會flexible d, 點知等左勁耐先有車, 仲俾架pk小巴濺到我成身濕哂, 連塊面都濕哂...~ 好彩最後都有車, 再响車上塞2個鐘, 幾經辛苦終於番到屋企...平時8:00番到, 今晚要10:30先到...

原來真係好大鑊, 途中有個過海巴士司機同個小巴司機講, 話下午2:30開始由灣仔過到九龍, 9:30仲响九龍城塞緊, 即係呢程車塞左7個鐘!! 好可怕!!!

呢場暴風雨仲連貨櫃都吹到pk, 仲壓死左一個人tim....

好可怕...