今天是父親節, 當然我唔會好似以前咁同我爸慶祝,  我咩都做唔到, 只可以去探佢, 盡量用我嘅時間照顧佢, 令佢舒服, 唔好咁辛苦. 不過我都要同佢講一句: 父親節快樂

今日睇蘋果日報, 有好多關於父親的感人故事, 其實係慘事, 都離不開生離死別, 睇到都好心酸, 呢個世界太多不幸了...其實我而家屋企嘅情況嘅慘嘅程度同呢幾單都差唔遠, 絕對可以上報紙... 各人有各人嘅難處.

不過睇完d故事, 我都開始同其中一個主角的諗法相似:

「遇 到 呢 事 ， 實 會 係 咁 問 點 解 ， 我 都 諗 好 耐 ， 但 其 實 冇 得 諗 ， 惟 有 盡 量 安 排 好 。 」

唔係咁樣, 可以點?

希望各位會珍惜你身邊的一切, 唔單止係人, 係自己擁有嘅一切能力, 唔好以為呢d係必然, 可能下一秒你已經喪失哂呢d野!!