今日同mark補祝生日, 夜晚去左一間响tst, 叫"馬泰"的泰國餐廳食dinner~ 間野都幾隔涉, 但d野都幾好味, 係印度加泰國菜, 有d似重慶大廈的curry呢~~

終於星期五了, 今日的時間過得快左, 因為有會開, 做observer都幾好, 學到野之餘又無壓力, 不過之後係點就唔知了~~

成日都聽到d同事話老闆點唔好, 其實好唔想聽, 俾佢地嚇怕左, 攪到我唔知自己入黎做係唔係一個對的選擇~ 呢2個星期我都平安無事, 無俾人罵過, 暫時佢地都好nice to me, d同事又成日講話開頭係咁, 之後就有排受..... 响我角度, 如果我真係做錯野俾人罵, 我覺得我會接受到, 都可以當係磨練, 只要唔好無理取鬧就得了~ 唉, 究竟之後會點呢?? 不過唔好諗咁多了, 船到橋頭自然直, 唔好咁care人地講嘅野, 話唔定我做好自己, 就唔會有佢地所講嘅野發生~~

呢個星期好唔掂:

牙痛-->喉嚨痛-->發燒-->感冒
一個星期內發生哂!!
仲要係我番工的第一個星期....好辛苦呀....
好病唔病, 而家先病....

10/6出examination result, 一向對exam result都唔緊張~~

但今晚check下email, 見到個result已經send左黎, 就click入去睇下~ 一拉落去, 見到4科都攞A!!!!!!!
我真係唔相信, 以為係list左個full mark出黎, 但睇清楚, 真係4條A!! 呢個SEM GPA係4.0!! 最開心係FYP攞A, 我用左最少嘅付出得到最大嘅回報~~

十萬個surprise呀!! 要獎勵下自己先~~

今日係我第一日番工, 無咩特別, 係睇下file, 學下野, 打下email~ d人都好nice, 全部都係d差唔多年紀的女仔~ 我今日無咩野做, 但睇到佢地好似好忙咁, 都無停過~ 老闆6:15pm時叫我可以走, 佢話傳統都係頭幾日就俾d甜頭, 可以早d走, 睇佢地個勢, 之後應該唔使旨意準時放工~~

放工後去左補習...好辛苦...我好唔想去補....但迫不得已....1030先番到屋企...