9至12號去左北京四日遊
期間發生既野實在太多喇
有時唔睇番d相都唔記得自己有去果個地方
所以而家要寫番晒出黎,比自己一個番念
畢竟第一次去遊行呀嘛.......
9號,第一日去北京
第二次去機場
第一次見到領隊同導遊(唔同人,領隊叫阿棋,香港人,導遊叫小唐,北京人)
第一次搭飛機,食飛機餐同埋第一次遇氣流.......
兩點5飛機,11點幾就要到機場,都幾多野準備
但係都有唔少空閒時間,呢段時間我地用左黎遊機場
機場禁區好多食肆,好多野睇,好大
搵個上機位都搵左好耐
上左機,發現有窗口位坐,好開心,因為可以睇景
飛機起飛後,我就影吓香港d景,影晒d雲,都幾high
之後我同阿哥仲要無聊到搵吓邊個空姐最靚,最溫柔,哈哈
第一次送野飲係最靚果個送,飛機餐都係佢送,第二次野飲就另一個送.....
同阿哥一人叫左一個飛機餐,兩個係唔同既,因為可以share
飛機餐幾好食架,我有影低相
基本上有面包,主菜(我食炒飯),水果,最後仲要有條雪條,超級o咀
食完野就遇氣流,不過架機都幾穩,咩事都冇
最後落機都冇唔舒服
之後去搵行李輸送帶,要搭無人駕駛車,感嘆一句,北京機場太大喇!!
之後搵番領隊,齊人就帶我地去見導遊,之後去搭旅遊巴
第一站去食餃子宴,領隊講左幾句幾好笑既野
「黎到北京,要試d地道既野,所以要食風味宴,不過,風味唔等於好味!」
「去韓國,第一日下午就燒,夜晚就烚,第二日下午就烚,夜晚就燒,去到第五日個口就生晒飛滋,去韓國唔係燒就係烚,唔係烚就係燒!」
之後就去左間餃子店,不過超無言囉
因為d餃子唔多好食,真係呢世都記得一個名:憶苦思甜
我食完,真係唔方唔憶苦思甜喇!!
難食到嘔,我都頂唔順囉,拜託
之後我哋去左王府井行街,不太好玩
不過都買左手信比renee
p.s呢時呢刻條鏈已經喺佢手上喇
返到酒店,好正,lobby好香,但唔係果d會令我討厭既味
我住洲際,超鐘意lobby既味囉
之後上到17樓,我哋唔識開門,搞左好耐先識開
酒店房好靚,超喜歡呀
第一次浸浴缸,好好玩,但會浮,好難控制
好夜先瞓,不過都唔緊要啦
第二日我哋去食早餐,遲左d搞到要等位
我哋食自助餐,好好味,但食左好耐
之後我哋就去左lobby集合
|
