今日開始放聖誕同埋新年假LU..所以今日訓到11點幾先起身,,本身諗住訓晏d,,不過又訓唔著啵,,之後起身開電腦睇"微笑PASTA",,一口氣睇左4集,,之後就同人MSN等等*

WINKY*我真係好想陪你地去釘耳!!不過可惜我阿媽又唔比我出街*

SORRY呀!!>/\<"

今日訓到7點半先起身,,因為今日返8點30*之後同尤俐搭車返學,,THEN返到學校,,去一去廁所,,點解今日唔見碧琪佢地既??之後就集隊..上課室,,嘩!!一人比55蚊仲以為有好多野食,,點知半個鐘就清曬-33-",,都係覺得大家樂抵食D!!食完1!HEA左一陣就要練歌,,冇幾耐就落左去操場集多次隊就上禮堂,,一人派左一枝螢光棒,,麥浩賢佢係咁整我*我當然有還手啦!!XDD"到我地班LU..上到台好緊張!!加埋我有呢個畏高,,所以就腳震震咁= ="雖然好驚,,但都好比心機唱..唱完成個人鬆曬!!之後就睇管樂表演,,派獎,,好開心呀!!我地班拎到第2呀!!咁者係F.3既第一,,真係好開心..我放左咁多心機落去都係值得架*之後就上返課室,,影大合照..清理課室,,派作業..之後就同尤俐、凱韻、MARY行路返良景..之後就去左萬寧同埋節拍睇野..睇完就返屋企睇"微笑PASTA"*

今日真係好開心..我晚晚留到咁夜,,教D男仔教喉嚨都沙埋都係值得既*

好多謝3E班既同學咁努力!!多謝你地*=]

今日唔使早會,,真係好*

MATHSx2:講書,,教立體圖,,睇上去好似好易畫,,點知原來係有D難度架*

中文:默書..全部都識*XD"

小息:因為我地班琴日上英文堂好嘈,,所以比MISS CHOW罰我地企,,我企左好耐都唔見到黎..咁毫同尤俐去搵MISS CHOW,,點知連佢自己都唔記得!!真係白企*

物理x2:又係教光學,,冇聽到書,,今次物理肥佬都似*

LUNCH*

英文:抄返上次作文D草稿*MISS CHOW佢比左朱古力我地班,,好好味*

視藝x2:寫篆書*

放學之後就去左圖書館借書做閱讀報告,,之後上返課室全班補MATHS,,補完MATHS之後MISS WONG叫左我同尤俐出去,,問我地去唔去嶺南大學,,我就話要問下阿媽先*之後就落左去1樓等彩排,,等左都幾耐下先到我地,,彩排我先知,,原來我畏高!!唉!!點算好,,聽日就要表演,,我唔想企最後果排呀!!真係好驚呀!! HELPPPPPP*[ 我真係冇用,,咁都驚一餐* ]之後就同尤俐搭車返屋企LU*

係啵!!我日記個相簿係早幾日之前整好左,,大家可以去睇下架*=]

今日一返到學校就打鐘,,好彩趕得切*

中史:麥SIR比我地自己做中史作業*

電腦x2:考試,,都幾容易下,,不過個筆試就有D難*

小息*

家政:做公仔衫,,做得7788,,下堂有得煮野囉!!好開心*

LUNCH:係學校比大眼雞見到我戴頸巾但係又冇著校褸,,比佢叫停我,,之後我話我返屋企拎返件校褸,,咁就冇野!!真係比佢嚇死*

中文:日常測驗,,好快就做好*

英文x2:DICTATION,,識曬*之後MISS CHOW講書,,佢見到珮琼抄功課,,依??點解D字咁似我既??原來本簿真係我既!!好無奈!!我明明交左比BILLY,,但係佢又比左珮琼抄!!點算好..唔關我事架啵..我都唔知珮琼抄我功課*

放學之後我係咁請人食野,,果樣野就係凍金喇!!卡卡* 之後珮琼同我講MISS CHOW話要扣我兩分..下!! 又關我事!! 珮琼話MISS CHOW話比人抄果個人都有罪咁話!!=[]="唉..算數啦..珮琼個樣好似唔係好開心咁!! 2分就2分啦..唔通同MISS COHW講,,唔關我事咩!?咁講咪者係話珮琼唔岩..好冇義氣架啵*之後就入左家政室練歌,,D男仔一D都唔合作..搞到我係咁罵,,罵到把聲都沙埋-333-",,終於排好曬D舞喇*咁辛苦都係值得既!!之後練到成6點9,,諗住走啦..點知麥SIR就叫我地留低,,話要交換禮物咁話..之後銘棋佢就比個袋我地..叫我地抽學號..抽到邊個就同邊個交換禮物..而我就係抽到阿"邊個"..至於係邊個就唔講得..保持神秘感*XDD"之後就同尤俐搭車返屋企,,係屋企樓下先到阿爸*

今日9點起左身,,10點出門口去MISS屋企學琵琶*之後行緊返屋企果時名媽打電話黎,,叫我係OK等佢,,之後就同媽咪去左買M記返屋企食,,之後沖涼,,做功課..THEN就同阿媽佢出元朗搵阿爸,,去緊搵阿爸果時佢已經打左兩次"奪命追魂CALL"黎!!之後拿拿聲去左正氣堂,,搭旅遊巴去新田,,去左睇左一陣舞獅,,之後果度D人講左一陣野就有得食盆菜喇!!一張枱有一枝紅酒[ 一共有二百幾張枱!! ],,我係好奇之下,,叫阿媽比D我飲*原來係有D苦既,,不過又有提子味,,都OK既*食呀食,,食到好飽下..一路食就有D唔紅既歌星表演,,例如有"東方之珠"做CAROL阿媽果個方依琪,,仲有祝文君等等,,之後食到9點幾就走人,,搭返旅遊巴去元朗,,之後再搭西鐡返良景,,係樓下叫阿爸比錢我買小販D野食,,我買左10蚊既章魚小丸子,,好好食呢*返到屋企半個鐘丁家姐佢就返黎,,佢曬左D我影既倉鼠相,,我拎左一張放左係銀包度,,佢真係好可愛呢!!

今日D野食全部唔使錢*XDD"好在我係姓文者*=]

早知叫多D人黎食啦*